عن نفسي اتحدث
عادل محمود
بدون ملامح وبدون امل
وقلبي اصبح من غير عمل
عاطل عن الاحباب
كله حسابني غياب
فى الحب دايماً كده خايب
اخسر وادفع الحساب
لما اجى اغني او اضحك حبتين
حزني يدور عليا ..
ويقولي روحت فين
بمشي جنب الحيطان
وشوية على الرصيف
وبلاقي خوفي قالي
انا شايفك يا خفيف
وكلامي مع روحي
مش نوع من الجنون
دا علشان مش لاقي
روحي وسط سوء الظنون
وبشوف احلام بتيجى
وبشوف احلام تروح
ممنوع احلم بـ حاجة
ممنوع ابقى طموح
وبدون ملامح انا ببقى عايش
وبدون ملامح ليا وجود
لو عكس دا ابقى بخرف
او شخص عدي الحدود
عن نفسي اتحدث
