٢٣/٥/٢٠٢٣
الشاعر المصري أحمد إبراهيم النجار
يكتب قصيدة ( لعبة ورق )
وهبت ليكِ الروح
زادت فى روحي جروح
ولا كان ف يوم مسموح
اخطي أنا حدودك
جوايه صمتي يبوح
صوت الألم بينوح
لما الضلام بيفوح
يا غايبه بشروقك
بنا الزمان إحتار
م الشوق لهيب النار
جوة الألم إعصار
زايد مع غروبك
لملمتي فى الأعذار
ومشيت أنا المشوار
رغم الغياب كان دار
مقطوع حنين ضوءك
طال الفراق أحزان
جوايه ثار بركان
ورق الورود دبلان
يا غايبه بحضورك
زادت كتير أشواق
فى قلبي المشتاق
وآه على ده فراق
نفسي عيني تشوفك
يا حاضرة ف الأحلام
دايب بروحي غرام
ببعت بقلبي سلام
مرسوم على كفوفك
لو كنتي يوم شاريه
على حبي يوم باقيه
يا حاضره يا غايبه
حبل الوصال سايبه
كاسي الضلام يومك
شمس الغروب بعده
والدنيا دي معنده
دبلانه يا وردة
فى خريف عيون خوفك
لعبة ورق ليلك
وبشوق بناديلك
كم مرة بحكيلك
نعسانه دي عيونك
أنا مش هكون تاني
ده قلبي بيعاني
والغيرة ملكاني
كاره أنا ظروفك
يا حاضرة يا غايبه
فيا الجراح زايده
راميه الورق فارده
والحنه فى كفوفك
طال الغروب فيكِ
راحله خطاويكِ
متغربه عينكِ
ولا يوم أنا هشوفك
حكم الوداع قايم
بين السحاب غايم
وعد الهوا خاين
وف قلبي دي حروفك
بقلم الشاعر المصري أحمد إبراهيم النجار
