مش فاضل غير الصوت الحزين
…. مع تحياتي // صلاح يونس…..
ما عدش فاضل غير دموع
ساقطه فوق خد الجوامع
والكنايس والبيوت
والشوارع اتفرش فيها السكوت
حتى اشجار الزيتون
دبلت على باب المدارس
ما عدش فيها التلاميذة الفرحانين
ما عدش فاضل ف الصدور
غير صوت حزين
وبقينا طير مستنى دبحه
والغيلان داخله علينا
والحيطان مش ح تدارينا
وانتِ يا قدس حزينه
تحت انياب الصهاينه
مش ح يفضل يا حبيبه
غير صراخ كتماه عينينا
دا ان كان ح يفضل وقتها
حد فينا
مع تحياتى // صلاح يونس
