كفاية يا دنيا
عادل محمود
عجبي عليكي يا دنيا
حنانك دايمآ للندل و الخوان
بتلاعبيه بحب كل ثانية
وبتقسمي بسيفك ظهر الغلبان
لا يوم شفنا منك رضا
ولا يوم شفنا منك أمان
الغني بتزيديه غني وطغيان
والفقير كل يوم تزيديه حرمان
ليه بس يا دنيا كده
ليه حبيبك الندل و الجبان
شمتي فينا يا دنيا العدى
وقليل الأصل و أهل النكران
فتحتي دراعاتك للخسيس
وللأصيل قفلتي ف وشه البيبان
كفايه يا دنيا ظلم و بغدده
خليتي دمع العين سقى الغيطان
إرحمينا من ظلمك شوية
دا العمر عدى بكى و أحزان
حني علينا بضحكة ولو مرة
كفاية بقى عذاب و نسيان
ألم ودموع وشقى
حرام عليك دنا إنسان
