لله فى خلقه شئون
بقلم ياسمين مجدى. 
سألت نفسك مرة
هل العبادة والطاعة لله اللى أنا بقوم بيها دى ربنا محتاجها منك
هل تعتقد إن ربنا عايز يحقق فيك صفة الالوهية وإنه
ليه حق عندنا ف التعبد
طيب أحب اقولك ربنا سبحانه وتعالى محقق صفة الالوهية فعلا وفى حوالين عرشه ملائكة ساجدة
ومبتعملش شئ غير السجود لله وطاعة أوامره
طيب إحنا ربنا أمرنا بالعبادة والطاعة لجلاله ليه
اقولك اختبار
الدنيا دار اختبار
ربنا بيشوف عباده أللى خلقهم فى كل تصرفاتهم واطباعهم وصورهم
اديتك هتعمل إيه أخدت منك هتقول إيه ابتليتك إيه رد فعلك
وفى النهاية تستحق تدخل جنتى ولا كنت من القانطين
آمنت ورضيت ولا كفرت وتجبرت
عبادتك أللى إنت بتعملها وتقيلة عليك ربنا مش محتاجها منك
ربنا بيحب يسمعك أيوة بيحب يشوف طاعتك وقربك أيوة بس ده لنفسك
الله غنى عنا ونحن الفقراء اليه
أحسنوا إلى أنفسكم بالطاعة لله عز وجل
بسم الله الرحمن الرحيم
ان الله هو الغنى الحميد إن يشأ يذهبكم ويأتى بخلق جديد لله فى خلقه شئون
