مش هقولك

مش هقولك

بقلم / صالح منصور 

 وحشتينى.. 

هقول وحشنى صوتك

ورقة ضحكتك.. 

وحشنى منك صباح الخير..

 اللى بتوانس وحداتى..

 وحشنى صوتى وهو بينده اسمك..

 وحشنى سكوتك لما تبقي مكسوفه..

 لما اقول بحبك ..

وحشني خجلك وانت بتقول وانا كمان

وحشنى الخنقه في عيونك لما بقول سلام

ولسه مش هقولك وحشتينى

وحشينى فيك الطفله الشقيه

وحشنى فيك حبيبتى الوفيه

وحشتنى الفرحه وانا بسمع مشكلك

وحشنى احساسي انى مسئول عنك

وحشتنى ايدى وهى بتطبطب على كتفك

وحشتنى نظرة عينيك وهى بالدمع مرويه

وحشنى لون الروج وانا مسحوا باديا

ولسه  وحشتينى

دائما

بغيابك قتلتينى

بس جوايا رافض يقول 

وحشتينى 

……………………… صالح منصور