وبعد فترة دخل كلمها ..

ازيك عاملة ايه يارب تكوني بخير
انا مش بخير .. وحاسة ان عمري ماهبقي بخير … جوايا كلام كتيرر اووي نفسي اقوله
جوايا وجع وكسرة وقهر مالوش حدود
جوايا عتاب واسئلة كتييرة عاملة زي النار بتاكل روحي
جوايا حزن علي نفسي وعلي قلبي وعلي حالي مالوش حدود .. جوايا اشتياق ليك بحجم الدنيا .. محتجالك اووي .. محتاجة لحضنك .. محتاجة اطمن بيك ومعاك
جوايا حجات كتيره اوى هموت واقولهالك عشان ارتاح ووجعي يهدي ..

وكان ردها كالاتي :
انا الحمدلله بخير انت عامل ايه … طمني عليك …
—انا مش كويس طول مانتي بعيدة عني .. وحشتيني قوي .. كل حاجه في بعدك مالهاش طعم ولا لازمة .. وحشني صوتك وحشني الكلام معاكي .. وحشني احكيلك تفاصيل يومي وحشني ابتدي يومي بيكي وانهيه بيكي ..
وحشني جنانك وضحكتك .. وحشني احساسي بالونس والامان والراحة بوجودك .. وحشني نظرة عينيكي اللي بتطمني .. وحشتيني ياساكنة روحي وضلوعي ..
وحشتيني يااغلي ما ليا … وحشتيني يااحلي مافيا

وكان رده كالآتي :
يارب دايما تكوني بخير .. انا الحمدلله كويس .. كنت بطمن عليكي .. خلي بالك من نفسك …
تسلم يارب .. انت كمان خلي بالك من نفسك
سلام
سلام
كام حد مننا بيحصل معاه الموقف دة بنفس النمط بالظبط .. كام حد بيكون جواه كلام كتير ومش قادر يقوله ويقول عكسه لاسباب كتيير تخص كل واحد .. بس اللي جرب الموقف دة عارف انه بيكون احساس مؤلم جداً انك تكتم مشاعرك وتحبسها جواك .. سواء مشاعر حب او اشتياق ولهفة .. او غضب وحزن .. او عتاب وملامة ..
او ضعف واحتياج ..
كتم المشاعر عموما احساس صعب ومحتاج مجهود مضني عشان نقدر نعمله .. ربنا يهون علي كل القلوب اللي كاتمة جواها حجات كتير مش قادرة تبوح بيها ولا قادرة تتخلص منها

وبعد فترة دخل كلمها ..