ورغم إنى عارف بانك بعيده

بقلم/الشاعر مجدى الصفتي

ورغم اني عارف
بأنك بعيده

وشاهد وشايف
تفاصيل فريده
ورغم اقتباسك لدور العنيده
فعندى وعندك
مشاعر وليده
مشاعر بتقلب كيانى اللى ساكن
بتسحب خيالى لأبعد اماكن
تزعزع ثباتى
وتعبث بذاتى
فى نفس الثوانى
حزينة وسعيده
……
ورغم إنى عارف…
بإن اكتمال الحكايه معاكى
يفوق الخيال…
وإن الحصون المحيطة بكيانك
تحطم جبال
وإنك سجينه ف قيودى وقيودك
وإنى مهعرفشى أبدا افيدك
لكنى لقيتنى مغامر وساير
فى درب الاحبة مزقطط وطاير
وعارف بدايتى مفيش ليها اخر
لكنى مكمل حياتى الجديده
وداخل سجونك برغبه شديده
برغم إنى عارف
بانك بعيده
وشاهد وشايف
تفاصيل فريده
* * *
مجدى الصفطى