وقفة مع الدولار
د. محمد توفيق ممدوح الرفاعي
وقفت قدام الدكان
حيران وبحالي محتار
عم اضرب اخماس واسداس
وعم فكر
بشتري بالسوري ولا الدولار
كله كاتب عبوابو
صراف تركي ودولار
يلعن اختك يادولار
طالع نازل متل المنشار
وترامب نافخ حالو
كله داخل بجيابو
الداخل عندو مفقود
والخارج كله ممنوع
العرب لاففهم عالكوع
بياخد منهم اتاوات
يا بتركع يا بتموت الجوع
واحنا يا حصرة علينا
شغلونا بقصة صرف العملي
وصارت شغلت المالو شغلي
بيفهم بالسياسي والاقتصاد
والتجار قصتهم قصة
متل العم يرعى بالفصة
التسعيرة حاططها عالرف
وميزانو عم يشلف شلف
دخلت عالدكان وسلمت
برم بوزو كأنه عم يقطر سم
قلتله بالله عليك ياخال
قلي كيف الاسعار
قلي يعني ما بتعرف
ولا عامل حالك فهمان
بدك سوري ولا دولار
ولا ما عندك احساس
وطلع ألفهم اني (الحاسبة) وضرب أخماس باسداس
لمست ايدي ع راسي
حسيت حالي سخنان
قلت فركها يا رجال
قبل ما توقع الفاس بالراس
د. محمد توفيق ممدوح الرفاعي
وقفة مع الدولار
