اجمل ماقرات اليوم سلمها لله فالقلب ملك للخالق

اجمل ماقرات اليوم سلمها لله فالقلب ملك للخالق

كتب احمد الغمري

كل صباح يرسل لي صديقي الدكتور أحمد رشاد مقال تجد نفسي اتمعن فيما يحتويه واليوم اردت ان اجركم جميعا في هذا المقال الذي ملخصه سلمها لله فالقلب ملك لخالقه

*عارفين يعنى ايه “كل يوم هو في شأن”يعنى ف لحظة يفرج همك وكربك, و ف لحظة تانية يجبر كسرك,يعنى تبقى مُش عارف تعمل ايه من كتر التفكير ومش عارف تحسبها ازاى,وفجاة تلاقى كُل حاجة اترتبت واتحلت ,يعنى بتبقى زعلان وهتموت من الوجع والزعل ع حاجة كان نفسك فيها,وتلاقى ربنا وهّبك حاجة كنت بتحلم بيها,يعنى واحد يمشى من حياتك ييجى واحد يتمنئ رضاك,يعنى من الاخر كدة ربنا مُش هيشوف قلبك متعلق بحاجة ويخذله فيها,ولاّن هو رب القلب,فطبيعى ينجيك ويعديك من كل ضيق,صبراً كل حاجة هتبقى تمام والله عارف ان انت بتمر بوقت صعب وانك تعبان والدنيا مش تمام الفتره دي معاك بس خليك واثق ان كل دا اختبار من ربنا ، ربنا عايز يشوف مدي ثقتك فيه كل دا هيعدي متقلقش كله هينتهي وهييجي اليوم اللي نفسك فيه وربنا هيكرمك في اليوم ده كرم عظيم جدا ربنا بعتني ليك دلوقتي علشان اقولك ان ربنا هيجبر بخاطرك قريبأ جدا و انه شايفك وبيجهزلك فرحتك ونصيبك اوعي تزعل ابدأ نام بقي واطمن مش قادر اتخيل كمية الحقد والغل اللي بتبقي موجوده في نفوس بعض الناس اللي حوالينا واحنا مش واخدين بالنا ، وفجاءه مع اول موقف بتظهر كل حاجه علي حقيقتها ، حقد وغل ونفسنا وحسد بطريقه رهيبه ، وكأننا خدنا منهم ارزاقهم او خدنا منهم الحياه اللي ربنا وحده بس اللي كاتبها ليهم ؟ انت محتاج تسلم أمرك لله مش بس في كيفية الاقدار .. و لكن كمان في ردة فعلك عليها ، يعني متقعدش تشيل هم لو حصل كذا انا ممكن اتعب ، انهار ، اكتئب ؟ سلمها لله ، لإن القلوب دي ملك الخالق سبحانه و ياما خوفنا من ردود افعالنا و اتصدمنا باللطف العجيب اللي نزل على القلب و السكينة الغريبة في النفس و التقبل الغريب للقدر و عمرنا ما توقعنا ده من نفسنا..كل اللي عليك انك تدعيه يرضيك بأي قضاء، و يرزقك اليقين اللي يهون عليك كل مصائب الدنيا..قل يارب ، امنن علي ببلوغ منزلة ” إني أُحب عبدي فلانا ، فأحبوه ” حتى أرى عين اليقين ، فيكون حبك ف كل ما يرى*

اجمل ماقرات اليوم سلمها لله فالقلب ملك للخالق