أرحل_يا_خطيب

أرحل_يا_خطيب 

كتب وفاء فتحي 

 

يعني إيه رئيس نادي في فترة رئاسته يصعد بس بالفريق

 ل خمسة نهائي قاري وياخد منها اتنين بس

 يعني إيه رئيس نادي في فترة رئاسته من 6 دوريات ياخد 4 بس

يعني إيه رئيس نادي في فترة رئاسته يصعد لكأس العالم للأندية 3مرات ورا بعض ياخد مركز تالت مرتين ورابع 

مرة واحدة 

يعني إيه رئيس نادي في فترة رئاسته مايعرفش يعمل غير فرعين بس جداد للنادي ويطور بقي الفروع 

 يعني إيه رئيس نادي في فترة رئاسته مش عارف يجيب رعاية للنادي بأكتر من 4 مليار 

يعني إيه رئيس نادي في فترة رئاسته مركز فريق الكرة بتاعه يبقى ال19 عالمياًّ والأول محلياًّ وقارياًّ وعربياً 

يعني إيه رئيس نادي في فترة رئاسته كل الألعاب تتطور وتتصدر كل البطولات المحلية وبينافس بقوة في البطولات القارية والإقليمية 

يعني إيه رئيس نادي في فترة رئاسته أصبح النادي أفضل منظومة رياضية في أفريقيا والشرق الأوسط وكل العالم بيتكلم عنه 

 يعني إيه رئيس نادي في فترة رئاسته يفضل محافظ على القوام الرئيسي لكل فرق الألعاب الجماعية 

 يعني إيه رئيس نادي في فترة رئاسته تبقي الأولوية عنده للنادي وأعضائه وجمهوره رغم مايعانيه من مرض 

 لأ إحنا ماينفعش معانا رئيس النادي ده ياعم ده مش عارف يجيب مهاجم 

 أرحل بقى ياخطيب يابخيل يافاشل ياللي مش عارف تجيب مهاجم ورغم كده فريقك متصدر دوري وهيلعب نهائي كاس ومكمل في دوري الأبطال 

 أرحل يا خطيب يا فاشل ياللي الإتحاد العربي والإفريقي كل واحد فيهم بيترجاك علشان تلعب في البطولات اللي بينظمها لدرجة إن فريقك بياخد مزايا أكبر من كل الأندية لأنهم عارفين إن سر نجاح أي بطولة هو وجودك ومشاركتك فيها

 أرحل يا خطيب يا فاشل ياللي وصلت النادي رغم ما يعانيه من حرب شرسة ل مصاف الأندية العالمية بس إحنا مش عايزينك علشان أنت بخيل ومش عارف تجيب لاعيبة 

 فعلاً عندكم حق الخطيب فاشل والأهلي أفشل نادي مش في أفريقيا بس، ده في العالم كله علشان متزعلوش 

 ربنا يعافينا ويرحمنا من المشجعين أمثالكم 

سيظل الأهلي دائماً وأبداً أنجح وأفضل نادي في القارة والشرق الأوسط ودائماً متوج في سماء العالمية 

سيظل الأسطورة محمود_الخطيب من أنجح وأفضل من تولى رئاسة النادي الأهلي رغم أنف الحاقدين