أرض بور
جلال محمد
كفرالشيخ
بابي….
مخبطش من
مُده
ولاحتي رنه
ع المحمول
تسلمي قوي
ياشِده
بينتي ولاد
الأصول
من سنين بزرع
ف زرعه بسقيها
موده
وبالأصول
وف آخرالسنه
إستنيت ألم
المحصول
أتاريها كانت
صحرا
والأرض بور
دول كانوا ليا
كل حاجه
وعن سعادتهم
أنا مسؤول
ياخساره….
بالرخيص باعوني
ونسيوا العنوان
ياقلبي إصحي
من الوهم
ومن غِفلتك فووق
ياعم
كانوا ع الغدرناويين
ولقلبي بالنار كاويين
كانوا لابسين أقنعه
وملونيين الوشوش
ومش باين عليهم
أي رتوش
وقعدت جنب الحيط
أنعي حظي
وللحياه والناس
أشكي همي
يامِيت ندامه
عليهم هانت
العِشره
وليهم كنت باصم
بالعَشره
ويقولو لك
إحنا ولا أصول
لا وربي
دول طلعوافالصوا
و كنت أناالمجهول
………………….
2023/8/14
