أنا عاشق
أنا عاشق اشوف الفجر
اشوف الفجر بينادى مين صاحي
يصحيني وطول الليل انا صاحي
حتى الشمع يصاحبني لصباحي
الله اكبر تعالوا جنبى ونكبر
نحلم والحلم نشوفه بالعرق يكبر
نحلم شمسنا ترجع لغير الله مانركع
نحلم نمحي كلمه اسمها الصعب
تحت الشمس هنبنى قصور الحب
رسمنا بدمنا وروحنا طريق المجد
صحيت الفجر وانا صاحي
صاحي للقول وقد القول واقدر اقول
انا الماضى انا الحاضر انا بكرة جاي
شايل عهد اجدادي أوصى بيه احفادي
واحكى ليهم عن مينا واحكى حكايه سد
احكى حكايه وحكايه حكايه ابطال ماتتعد …..
أنا عاشق اشوف الفجر
أنا فجر التاريخ عندي
أنا كتب التاريخ جدي
أنا لو كسانى الليل .
مفيش فى الدنيا نور بعدي…
أنا عاشق النوروالخير
بنادى بصوت مسموع نداء مشروع
انادى حريه يا كلمه ليه مخفيه
أنا حقى ومن حقي اعيش بحريه
حريه
مع تحياتى
محمد محمود عبد الدايم
