العنف الأسري ضد الاطفال والنساء
أميرة ماضي
تعالي هحكيلك حاجة العنف الأسري ضد الاطفال والنساء مشكله كبيرة جدا اتكلم عنها كتب كتير واتعمل رسايل ماستيجر ودكتوراه في المشكله كتير بس هل المشكله اتحلت؟
طب تعالي معايا تاني هقولك حاجه؟
كل الأديان بتدعو لطاعة الوالدين وبرهما وخفض جناح
الذل من الرحمة لهما ودا طبعا حقهم بلا جدال
بس لو حد من الاباء دول مؤذي مشوة نفسيا بيصبح ولادة بعلقه ويمسيهم بشتيمة
ف ابهات مجرد علاقتهم بولادهم الإسم في البطاقة
وام من كتر كرهها لنفسها كرهت أولادها ف نفسهم
الأب اللي بيحرم أولاده من التعليم
كل دي أشكال من العنف الأسري العنف مش بس ضرب وشتيمة!!
الأب اللي بيدخل أولاده كليه غصب عنهم عايزهم يكونوا مشروعة الخاص
بيقتل أحلامة وطموحة
* ومعانا فروق فردية لو الابن مش عارف يوجة أهدافة علي فين طبعا ندخل ونساعدة
الام اللي مش بتسمع بناتها مش بتحميهم وتدافع عنهم وتحافظ عليهم
الأب والأم اللي بيربوا ولادهم على الإحساس بالذنب ويزرعوا فيهم ويسقوة
الاب والام اللي بتفننوا ف استفزاز اولادهم لغاية مايقربوا يكفروا بنفسهم وبالحياة وبربنا
اللى بيقولوا لولادهم انتو غلطة احنا كنا عايزين ولد
الأب اللي بيجرح ابنه قدام الناس
والمقارنة بينهم وبين بعض وبين قرايبهم وجيرانهم
وصحابهم
الضرب والحبس واللسع بنار وشد الشعر واللي وصل مؤخرا ان اب يموت ابنه الشاب بسلك غساله مربوط فيه مفك
(الوطن ٢٢ يوليو ٢٠١٨)
وام تحرق ابنها بالمياه السخنه (اليوم السابع ١٣ مارس ٢٠١٨)
واللي عايزين اولادهم نسخة مزيفة على مقاسهم
وبعد كل دا الأب والأم اللي بيختاروا لابنهم مراته ولبنتهم جوزها على غير رغبتهم واللي بيبوظوا جوازات ولادهم
*ودي بينتج عنها مشكله الطلاق اللي زادت جدا هنتكلم عنها بالتفصيل بعدين
واللي بيجبروا البنت تكمل ف جوازة فيها ذل وضرب واهانة
(سمعت ولد قبل كدا بيقول انا مش عايز اي حاجه من الدنيا غير ان بابا يعاملني ك بني ادم)
*انا برفض ضرب الاطفال والأولاد مهما كان نوعة او صفتة او درجته
*وبشوف ناس بكل اسف بتدافع عن ضربهم وبتقول الضرب مهم!!
شوفت مشكله قبل كدا لام بتقول بنتها بتصرخ كتير وبتزعق عشان تاخد طلباتها الناس قالتلها اربطيها ف السرير واقفلي الفم ب بلاستر!!!!!
*الناس اللي بتكون من النوعيه دي بتكون عقليه قاسيه جائرة تعمتد على العنف كأسلوب معامله تفكير سادي سيكوباتي يبرر العنف بكل اريحية ووعي هش وضحل
*احنا محتاجين ضبط لعقليتنا المجتمعية والثقافيه اللي فطرتها الحقيقيه غير مشوهة
*محتاجين فرمتة امخاخ أجيال كامله ورثت وتورث عقد وكلاكيع نفسيه من ابشع مايكون
*محتاجين توعية نفسيه تصل لكل بيت ولكل حجرة ولكل منظمة ومدرسة ونادي
*محتاجين تأهيل نفسي قبل الخطوبه وقبل الزواج وقبل الإنجاب وأثناء التربيه
ان شاء الله المرة الجاية هنكمل دمتم بصحة وسلامة نفسيه
العنف الأسري ضد الاطفال والنساء
