( الغلباوى 26)
الغلباوى غاوى مغامرات
غلباوى فى العب خطير
ساعات يقفز وساعات بيطير
بيقلد صوت العصافير
مش نافع وياة تحذير
دلوقت جنبى و واقفلى
على كتفه عصايه عملى غفير
قلت.. تعالى واسمع حكاياتي
قال.. احكى وسمعنى بسرعه
انا لسه عندى مشاوير
قلت.. طب قولى ايه المشاوير
قال.. ابويا العمدة يعتني
عالمركز عشان سر خطير
قلت.. مش عايز اسمع اسرارك
خد منى نصيحه هقولهالك
لو حد امنك على سرة
لو بوحت بسرة هتضرة
وكفايه للسر بس اختارك
لو حتى عدوك مش جارك
حافظ على سرة بامانه
لو قلته لحد تبقى خيانه
و رسولنا علمنا ووصانا
المؤمن حافظ لامانته
قال..يا جدو أنا قدامك بلعب
انا طفل هادى ومؤدب
ايه عايزنى فى اخرتى اتعذب
قلت… قربت منك اتجنن
مش عارف امتى اتعلم
قال.. منك يا جدو أنا بتعلم
سيرة نبينا بتكفينا
نتعلم منها وتهدينا
قلت… سبحان من انزل قرأنه
فى ليله القدر وسماة فرقان
قرأن مكتوب بلسان عربي
دستور لحياتنا من الرحمن
ونسبح لله ونكبر
ونختم يومنابالقران
ونتقابل بكرة مع الغلباوى
مالك يوسف
وجدو.. محمد محمود عبد الدايم
( الغلباوى 26)
