( الغلباوى 28 )
الغلباوى غاوى تأليف
غلباوى حريف حكايات
بيألف اوقات حواديت
وخياله مليان روايات
اهو جاى عايز يحكيلي
قلت..ممكن تسمعني شويه
قال..ياجدو اسمعنى الاول
قلت..احنا اتعلمنا الأول… نسمع لكبرنا
قال.. انا اسف ممكن تعذرني
قلت.. انا قابل اسفك اتفضل اسكت
اتعلم تختار الصاحب
لغير الصالح متصاحب
بيقولوا الصاحب ساحب
لو صالح هيكون لك ناصح
لو فاسد لازم يأذيك بفسادة
والناس شايفينك بصفاته
وكمان بصفاته وصفوك
انا عايزك تسمع للحكمه
الناس ازاى بتكون حاكمه ويقولوا…( لا تسل عن المرء وسل
عن قرينه وتذكر نافخ الكير وحامل المسك
الكير دة كفايه ريحته وشرارة
والمسك كفايه عليك طيبه ريحه
اتعلم اختار اصحابك فى غيابك
حافظين اسرارك وديارك
ويشاركوا معاك افراحك واحزانك
لو تغلط بسرعه بيلوموا
فى ثوانى غلطك يتصلح
انما لوكان صاحبك فاسد
على طول هيكون لغلطك قاصد
فرحان بفسادك وحزين.. لو شافك
بتصلح غلطك وتقول اسفين
قال… راح ابوس ايدك وجبينك
من غيرك يا جدو ينصحني
قلت… أنا دايما ادعيلك فى صلاتي
كمان ادعي لجيلك
قال… خلاص ياجدو نتقابل بكرة
و بكرة راح احكيلك
ونصلى على نبينا ونسلم
وبذكرالرحمن نتقابل بكرة
مع الغلباوى..مالك يوسف
وجدو… محمد محمود عبد الدايم
( الغلباوى 28 )
