عمرو رفعت سليمان
مالك”ابو وامه مصريين صعايدة من سمالوط هاجرو لأمريكا مولود هو واخواته في لوس انجلوس..!!
رامي كسب في سنة واحدة جائزة الاوسكار وجائزة ايمي وجائزة جولدن جلوب وهذه الجوائز تعتبر اكبر من ثلث جوائز التمثيل في العالم..!!
كسب كل هذه الجوائز و عمره مازال ٣٨ سنة واصبح يناطح ممثلين كبار أمثال ليوناردو ديكابريو وبين افلك وبراد بيت وكل النجوم اللامعه اللي نشاهدها وننبهر بها ..!!!
هذا هو مستوي رامي وهذا هو قيمته الفنية والجماهيرية بدون اي مبالغة..!!!
رامي بعد ما كسب كل ده وبعد ما قعد علي ترابيزة واحدة راس براس مع دينيرو وباتشينو وهانكس ، اتكلم بكل تواضع علي اصوله المصرية وازاي هو فخور بيها .. وماطلعش للناس باللباس وفي اغنية وهو حاضن اسد وقالهم انه نامبر وان ..
مع انه نامبر وان فعلا علي مستوي العالم مش علي مستوي سرس الليان ومشهور عالميا من استراليا لحد امريكا مش مشهور في الدويقة والبدرشين وكوم الدكة ..!!!
لم نرى له صور بيتمنظر في عربية فراري ولا راكب يخت ولا قاعد في كابينة طيارة خاصة مع انه فعليا يمتلك او يستطيع ان يمتلك كل ذلك بس اصله ابن ناس وسليم نفسيا ومش محدث نعمة ولا شبع بعد جوع..!! حاجة كدة راقية ونضيفة ..!!
صورة الشخص اللي علي الشمال ده ..
ممثل مصري اصلا من الصعيد أيضا ..!!
ربنا كرمه وبعد كان كومبارس ضايع لقي منتجين من نوعية السبكي عملو منه نجم شباك ولمعوه ونجموه في كام فيلم علي كام مسلسل اتقن فيهم دور السرسجي البلطجي الكولجي الصايع وهوبا اصبح قدوة ورمز كل شمام في البلد ..!!!
مشهور في مصر وكام دولة عربية وقيمته الفنية عبارة عن كام فيلم وضيع علي كام مسلسل مقزز علي كام اغنية سايكوباتية ومحبوب جدا من الشمامين والكولجية واكبر جايزة فاز بيها جايزة الزعفة الخشبية في مهرجان السمبلاوين الدولي..!!
ومع هذا صدق نفسه واتجنن في عقله وطلعلنا يقولنا علي نفسه نامبر وان وهو باللباس وكل يوم متصور في عربية شكل ومرة في يخت ومرة في طيارة وإحداث ما بعده إحداث ..!!
شبع بعد جوع بشكل عنيف الحقيقة ..!!!
الفرق بين الصورتين :
هو الفرق بين الحقيقة والوهم ..
الفرق بين الفن والارف ..
الفرق بين مصر التي في خاطري ..
ومصر اللي عاوزينها في البكابورت ..!!
مصر حتفضل دائما قد الدنيا.
