انا عايش
،،،،، انا عايش،،،،،
ممدوح العنانى
انا
عايش وعارف ان عمري ورزقي مكتوب عند الله في كتاب
ولا
ازعل نفسي من هم الدنيا ولا حاسب ليها حساب
انا عايش
اصلها
دنيا كدابه وال متمسك بيها اكبر كداب
وعارف
انني هموت واخري هدفن في التراب
وان
طال عمري او قصر حتما هيجي يوم افارق فيه الاحباب
صدقني
يا صاحبي دنيا غروره لا لوم عليها ولاعتاب
شوف
كام غالي علينا راحو من وسطينا وعليهم بكينا
وحملناهم
على اكتافنا ودفناهم في القبور بايدينا
والدنيا
برضو ضحكت علينا وليهم نسينا
ليه
نزعل وليه نكره وليه نطمع في بعضينا
واحنا
عارفين ان الدنيا موش دايمه لينا
الوباء
والغلاء والبلاء ادينا شايفينه بعنينا
وليه
منكلش لقمتنا بالحلال وعلى الحرام من مدش ايدينا
واحنا
عارفين ان فيه جنه ونار ليه عاوزين نروح النار برجلينا
بدعى
ربنا العزيز الغفار يهديكم ويهدينا
ويحسن
لينا وليكم الختام ويجعل في الجنه مكان ليكم ولينا
