بيت الحبايب
عادل محمود
يا قافلين الباب
قلبي بهواكم داب
وعملت الف حجاب
بردك ولا نفعشي
واعدي صبح وليل
و قلبي مايل ميل
وارجع مأسي الويل
برضوا مانولشي
عاشق و نفسي انول
و بابكو ليه مقفول
يخرجلي الف عزول
يقولوا ما تمشي
لامني شيخ وحكيم
قاللي دا بيت وقديم
والله بسره عليم
معروض ومتباعشي
انا قلت ساكنه غزال
قلبي ف عشقه مال
واللهي قصدي حلال
قالوا ما ينفعشي
مقفول بقاله قرون
اكمنه بيت مسكون
شبح الاميرة خاتون
وعبدها الحبشي
وكل ست شهور
بتهل بدر بدور
فشر بنات الحور
من شافها مينامشي
اه ياريت ما جيت
ولا لعيونها رأيت
قلبي قاللي يا ريت
يلا بنا نمشي
بيت الحبايب
