بيعايرونا بفقرنا..بس انا مش هسكت
كتب/سعيد ابراهيم
بيعايرونا بفقرنا..بس انا مش هسكت
صدقني لو فضلت تراقب كل إنجاز بيحصل في مصر ، وتسأل أنا خدت إيه هتتعب جداً جداً ..
القائد اللي ماسك مصر بيشدد أركانها لتكون أكثر صلابة في وقت الدنيا كلها خربانة من حوالينا …
القائد ماسك مصر ملقاش لقية وبيوزعها عالشعب طمعاً في شعبية زائلة بزوال المنح ..
القائد اللي ماسك مصر قائد عسكري ذو خلفية مخابراتية فذه وعلي علم لما يحاك لمصر وللوطن العربي وبناءاً علي ذلك بيتم تسليح الجيش المصري بأحدث الأسلحه المتطورة لردع كل من تسول له نفسه أو يهيئ له شيطانه المساس بأمن مصر القومي …
القائد اللى ماسك راجل مش مهتم بشعبيته أد ما هو مهتم بأمانة الشعب والكلام ده قاله من سنين ((انا هقابل ربنا بشعبية ال ١٠٠ مليون ولا بأمانة ال ١٠٠ مليون ))
القائد اللى ماسك مصر عارف ومقدر جداً ان الإصلاح الاقتصادي اللي تم أثر علي ناس كتير في البلد وكان في كل إفتتاح مشروع كبير يقول اللي انتوا شايفينوا ده بفضل الله عز وجل وثباتكم يا مصريين …
القائد اللي ماسك مصر أول سنه في الحكم قال المقولة الشهيرة (( بيعايرونا بفقرنا .. بس انا مش هسكت )))
وبفضل الله سبحانه و تعالى قدر يزيل أكتر من ٨٠ % من العشوائيات في مصر و وفر للأسر وحدات سكنيه جاهزة مجهزة من فرش كامل …
القائد اللي ماسك مصر يعمل جاهداً منذ توليه رئاسة مصر علي جعل مصر ذات شأن عظيم وبفضل الله سبحانه و تعالى وحكمة وبراعة سيادته أصبحت مصر قوة إقيلميه عظمي وذات شأن عظيم وركيزه أساسيه بين دول العالم
فأرجوك حاول تطلع من الخيمة اللي إنت فيها وتبص من الشباك ، هتتعب شوية معليش لكن هتفهم أكتر وأوضح ..
حفظ الله مصر قائداً وشعباً 🇪🇬
#حفظ_الله_مصر
