جريمة القصر
تاليف وكتابة / محمد عماد
من وانا صغير وانا بشوف قصر جميل بس مجهور مفيش حد مهتم بيه ولا حتي عايش فية من حبى في وشكلة الفخم كنت اروح اقعد قدامة بالساعات واحلم انو بقي بتاعي وف خدم وحشم واني غنى اوي فضل الفضول جوايا اعرف قصة القصر دا ولية محدش عايش فية ولا مهتم بية لحد ما خلصت جامعة
اها نسيت اعرفكم انا اسمي سامح عندي 23 سنة ومتخرج من كلية الاداب قسم اثار مصري وعايش ف بلدي الحبيبه المنصوره
نرجع بقي لحكاية القصر اللي نفسي اعرف قصتو ف يوم وانا قاعد قدام القصر وسرحان فجاة لقيت واحد لابس جلبية وشكلو من الارياف خارج من بوابة القصر انا اندهشت اي دا انا بقالي سنين باجي اقعد قدام القصر ومفيش دبانة حتي بتخرج من القصر دا مين دا ؟
قربت منو ودار بينا الحديث التالي
انا : السلام عليكم يا حج
الشخص الغريب : وعليكم السلام خير يا بني محتاج حاجة ؟
انا : لا والله تسلم بس محتاج اسال حضرتك علي حاجة بس لو مش هيضايقك
الشخص الغريب : لا ابدا اتفضل يا بني تحت امرك
انا : الصراحة انا ساكن قريب من هنا واول مرة اشوفك خارج من القصر دا اصل معروف انو قصر مهجور من سنين وبصراحة انا ما صدقت اشوف حد خارج منة عشان اعرف قصتو واعرف لي مهجور فممكن لو مش هاخد من وقتك تقولي اي حكاية القصر دا وحضرتك كنت بتعمل اي جوة .
الشخص الغريب : ابتسم ابتسامة خفيفة ومالو يا حبيبي بس مش هينفع علي الواقف كدا انا راجل كبير تعالي نقعد ف مكان واقولك كل اللي انت عايزو
انا : طبعا طبعا اتفضل
اتمشينا لحد ما لاقينا قهوة قريبة قعدنا عليها ونديت للقهوجي قولتو
انا : هاتلنا اثنين شاي بعد اذنك
القهوجي :
بصلي بصة غريبة اكنو عايز يقولي حاجة
وبعدين قال اثنين ؟
قولتلو ايوة اثنين لو سمحت
قالي ماشي حاضر
ورجعت بيت للحج قولتو
انا : اتفضلي يا والدي انا سامعك قلى كل اللي تعرفو عن القصر دا
الشخص الغريب : شوف يا ولدى القصر دا اسمة قصر الشناوي باشا … باشا من بشوات مصر زمان ايام الملكية كان راجل غنى اوي ويحتكم على فلوس ملهاش اول من اخر والقصر ده في 3 غيرو كمان اكبر وافخم اصلة كان بيعشق الفن الايطالي عشان كدا بعت جاب المهندسين الايطاليين اللي عملو قصر المنتزة اللي ف الاسكندرية بتاع الملك جابهم يعملو لة القصور بتاعتة والقصر دا يا ولدي ياما شاف اجتماعات بالناس بتوع السياسية لدرجة ان الناس سمته بقصر الأمة عشان استقبل فية سعد باشا زغلول، ومصطفى النحاس باشا اكتر من مره ، لدرجة أنه خصص غرف معينة ليهم . وجت ايام غز اكتر لما الملك نفسة لما نزل المنصورة نزل علي القصر وبعدة الست ام كلثوم عملت حفلة مخصوص فية والاستاذ عبد الوهاب كمان .
انا : ياااااااة معقول كل دول جم القصر دا دا علي كدا القصر دا شاف العز كلو طب لي وصل للمرحلة دي يا والدى دا المفروض يبقي متحف قومي والغرف اللي قعدو فيها الناس دي تتشاف زي ما بيحصل في اي مكان تاريخي
الشخص الغريب : ما هو يا ولدى دايما الحلو ميكملش زي ما القصر شاف ايام عز شاف برضو ايام وحشة جدا
انا : ازاي بقي بعد اللي انت قولتو دا
الشخص الغريب : الحكاية بدات من ساعة ما مات البية الشناوي باشا
انا : اها مات ازاي عادى ولا حاجة حصلت له
الشخص الغريب : محدش عارف يا ولدى زي ما قالو وفاة غريبة كان الباشا ف غزو تقريبا كان ليسة مكمل ال50 وفجاة سمعنا صراخ وناس بتقول دكتور بسرعة وبعد شوية سمعنا البقاء لله البية مات ومن بعدها بدات تحصل حجات غريبة ف القصر بليل نسمع حد ماشي ف القصر طريقة مشيو اكن البية اللي ماشي بالظبط
وايام نشوف نور مكتبة يولع ويطفي كذا مرة لوحدو غير الكوابيس اللي كانت بتيجي للي قاعدين ف القصر ونسمع صراخهم بليل لما يصحو مفزوعين
لحد ما ف يوم وانا قاعد ف الجنينة بليل كنا ف الصيف وكنت قاعداى اتهوي شوية حصلت حاجة لو كان حكهالي عمري ما كنت هصدقو
انا : حصل اي يا ولدي
الشخص الغريب : لقيت الباشا واقف ف بلكونة القصر وبيبص ليا والجنينة زي ما كان بيعمل بالظبط اكنة عايش مماتش انا الدم جمد ف عروقي معرفتش اعمل اي عايز انادي علي حد مش عارف صوتي مش بيطلع عايز اتحرك اتشليت لحد ملقيت الواد الجنايني اللي بيساعدني ف نضافة جنينه القصر جاي عليا بصيلتو
الجنايني : مالك يا حج وشك اصفر كدا لي انت تعبان
الشخص الغريب : بصتلو ورجعت بصيت للبلكونة تاني ملقتش حد واقف اكنة اتبخر
قولتو انت شوفت حد واقف فوق هنا صح
الجنايني : حد حد مين يا حج مفيش حد البلوكنة اصلا مقفولة
الشخص الغريب : انا شوفت الباشا واقف ف البلوكنة دولقتي
الجنايني : باشا مين يا حج الباشا تعيش انت دا احنا ليسة مخلصين العزا الاسبوع اللي فات دا النهاردة اول خميس انت منمتش كويس ولا اي يا حج
الشخص الغريب : هاااا الظاهر كدا تصبح علي خير
قمت يا بني عشان اروح القوضة اللي بنام فيها وعشان اروح لازم اقعدي علي البرنده الاول وسمعت هوانم بيتكملو مع بعض والظاهر مكنوش عارفين ان حد ممكن يسمعهم سمعت واحدة بتقولهم
— وبعدين هنعمل اي مش عايزين يوزعو الورث امال كانو خلصو من البية لية مش عشان ناخد حقنا ونعيش بقي
—- اسكتي اخرسي لحد يسمعك انتي عايزة تودينا ف داهية م انتي سمعتي المحامي قالك الاجراءات هتاخد وقت لان مكنش ف وصية اصلا ولا تبرع للحركة الوطنية ما كنا فاهمين انو ناوي يعمل
—- ايوة برضو وقت قد اي انا عايز اخد نصيبي وسافر اليونان مش عايزة اقعد هنا الناس هنا بقت غريبة
—- اصبري كلها ايام وكل حاجة هتبان ونعرف نصيبنا ف القصور والاراضي و الفلوس اللي ف البنك وساتها هنقرر بقي هنعمل اي نسافر ولا نقعد هنا
—- مش عارفة لية شوكت صمم يخلص منة مش كان استني شوية يمكن كان وزع علينا الفلوس وارتحنا
—– متخرصي بقي منا قوتلك كان عايز يتبرع بنصف الثروه للحركة الوطنية عشان يدعم الحزب لو كان عمل كدا مكنتيش هطول مليم احمر
—- طيب خلاص اما نشوف اخرتها مع المحامي دا
الشخص الغريب : انا سمع الكلام دا ا ولدي وحسيت ان قلبي هيقف معقول الباشا اتقتل عشان الفلوس ازاي يعملو كدا دا كان خيرو علي الكل مكنش بيرفض يساعد اي حد ابدا ومن هنا قررت اني لازم اتكلم
انا : تتكلم مع مين ياوالدي
الشخص الغريب : انا اتاخرت يا والدي علي الوردية بتاعتي ولازم امشي تعالي بكره وانا اكملك لو عايز تسمع
انا : طبعا طبعا عايز اسمع
الشخص الغريب : تمام هستناك بكرة
انا : تمام ماشي يا والدى
وانا بتكلم لقيت الناس جنبي ف القهوة بيقولو ليا مالك يا بني انت فيك حاجة انت تعبان
وناس تقول لا حول ولا قوة الا بالله دا ليسة صغير علي كدا فين اهلك يا بني
انا : ف اي يا جماعة مالكم هو ف حاجة غلط فيا بشرب خمرا مثلا واحد قاعد مع واحد وبيتكلمو وبيشربو شاي مالكم ؟
شخص من القهوة : قاعد مع واحد مين يا استاذ ؟
انا : نعم قاعد مع الحج اللي قد والدك اهو وبلف وشي واشاور لقيت الكرسي فاضي ؟؟؟
انا اتكهربت هو راح فين ؟
ساللتهم هو راح فين مشي منين ؟
واحد كمن القهوة : هو مين اللي جة اصلا عشان يمشي يا بني انت جاي لوحدك وعمال تتكلم فكرناك بتتكلم ف التلفون بس لقينا وندك مفهاش سماعات ولا ايدك فيها تلفون وعمال تتكلم اكنك بتتكلم وحد بيرد عليك
انا : نعم ؟؟ انتو مجنانين انا جاي مع واحد
قمت ندهت للي جابلنا الشاي وسالتة
انا : انت ياعم مش جيت وحطيت كوابتين شاي ليا والحج الكبير اللي كانت قاعد معايا
القهوجي : حج مين يا استاذ انا استغربت اصلا انك قولتلي عايز اثنين شاي وانت قاعد لوحدك فكرتك مستني حد وبتطلب لة الشاي لحد ميجي
انا : اي ؟ نعم ؟ ازاااي يعني انا كنت بكلم عفريت …… ……………………………………………….
……يتبع ف الجزء الثاني………………………………………………..
جريمة القصر
