حين تتغير الملامح قبل ان تتغير الحياة 
بقلم/نشأت البسيوني
في لحظه معينه من العمر الانسان بيصحى يلاقي نفسه مش هو ملامحه اتغيرت قبل ما حياته تتغير وصوته بقى اهدى من زمان كانه اتعلم ان الكلام مش دايما ينقذ وان بعض الحكايات محتاجه سكوت اطول من اي شرح وان الوجوه حواليه بقت متلخبطه ما بين ناس بتقرب وناس بتمشي وناس موجوده بالجسد لكن ارواحها مسافره من بدري تلاقيه ماشي وسط اليوم وهو شايل سؤال
محدش يعرف يجاوبه هو امتى بالظبط اتكسر امتى بطل يجري امتى اتعلم يخبي غضبه ويداري حزنه ويرضى بنص حياه ساعات يفتكر ان ده اختيار وساعات يفهم ان الدنيا عمرها ما سابته يختار وان اللي اتاخد منه اخد معاه حاجات كان فاكر انها هتعيش معاه للاخر وفي الناحيه التانيه في حد واقف عند شباك بيته بيبص للشارع كانه بيدور على نفسه في الخطاوي اللي بتعدي وحد كان
بيحب الحياه وبقى بيستاذن عشان يضحك وحد كان قلبه واسع وبقى ضيق من كتر الخيبات وحد كان بيراهن على الناس لحد ما اتعلم ان اغلب الرهانات خسرانه وان اقوى دروس العمر بتيجي من ناس كان مفروض تكون اقرب مش اوجع وتفضل الايام تفرد حكايتها وتضغط على الروح لحد ما الانسان يفهم ان اللي اتغير مش العالم لكن هو وان اللي كان بيدور عليه برا كان جواه من زمان وان
اللي كان فاكره قوه كان مجرد محاوله يثبت انه مش ضعيف وانه ساعات كان بيتجمل عشان ما يبانش مكسور وساعات كان بيتظاهر انه بخير عشان مفيش حد هيسال اصلا هو مالك وفي وسط الركام ده كله تلاقي روح لسه بتعافر لسه بتحاول لسه بتقول لنفسها يمكن بكره احسن يمكن ربنا يديني فرصه جديده يمكن الايام اللي جاية تخفف اللي فات وتداوي اللي اتقطع وتلاقي حد تاني بيكتب على
ورقه كلمة كفايه لكنه مش قادر ينطقها لانه لسه بيتعلق بحاجات ما رجعتش ولا هترجع الحكايه يكتشف الكل ان التغيير الحقيقي بيبدا من جوه وان الملامح لما تتبدل قبل الحياه تبقى الروح بتبعت انذارها الاخير بتقول لازم تعيد ترتيب نفسك لازم توقف النزيف اللي محدش واخد باله منه لازم تفهم ان حدك مش الناس ولا الدنيا حدك هو انت وان البدايه الجديده ساعات بتكون وجع وساعات
بتكون هدوء وساعات بتكون قرار عمره ما اتاخد قبل كده بس في كل الاحوال هي بدايه
حين تتغير الملامح قبل ان تتغير الحياة
بقلم/نشأت البسيوني
في لحظه معينه من العمر الانسان بيصحى يلاقي نفسه مش هو ملامحه اتغيرت قبل ما حياته تتغير وصوته بقى اهدى من زمان كانه اتعلم ان الكلام مش دايما ينقذ وان بعض الحكايات محتاجه سكوت اطول من اي شرح وان الوجوه حواليه بقت متلخبطه ما بين ناس بتقرب وناس بتمشي وناس موجوده بالجسد لكن ارواحها مسافره من بدري تلاقيه ماشي وسط اليوم وهو شايل سؤال
محدش يعرف يجاوبه هو امتى بالظبط اتكسر امتى بطل يجري امتى اتعلم يخبي غضبه ويداري حزنه ويرضى بنص حياه ساعات يفتكر ان ده اختيار وساعات يفهم ان الدنيا عمرها ما سابته يختار وان اللي اتاخد منه اخد معاه حاجات كان فاكر انها هتعيش معاه للاخر وفي الناحيه التانيه في حد واقف عند شباك بيته بيبص للشارع كانه بيدور على نفسه في الخطاوي اللي بتعدي وحد كان
بيحب الحياه وبقى بيستاذن عشان يضحك وحد كان قلبه واسع وبقى ضيق من كتر الخيبات وحد كان بيراهن على الناس لحد ما اتعلم ان اغلب الرهانات خسرانه وان اقوى دروس العمر بتيجي من ناس كان مفروض تكون اقرب مش اوجع وتفضل الايام تفرد حكايتها وتضغط على الروح لحد ما الانسان يفهم ان اللي اتغير مش العالم لكن هو وان اللي كان بيدور عليه برا كان جواه من زمان وان
اللي كان فاكره قوه كان مجرد محاوله يثبت انه مش ضعيف وانه ساعات كان بيتجمل عشان ما يبانش مكسور وساعات كان بيتظاهر انه بخير عشان مفيش حد هيسال اصلا هو مالك وفي وسط الركام ده كله تلاقي روح لسه بتعافر لسه بتحاول لسه بتقول لنفسها يمكن بكره احسن يمكن ربنا يديني فرصه جديده يمكن الايام اللي جاية تخفف اللي فات وتداوي اللي اتقطع وتلاقي حد تاني بيكتب على
ورقه كلمة كفايه لكنه مش قادر ينطقها لانه لسه بيتعلق بحاجات ما رجعتش ولا هترجع الحكايه يكتشف الكل ان التغيير الحقيقي بيبدا من جوه وان الملامح لما تتبدل قبل الحياه تبقى الروح بتبعت انذارها الاخير بتقول لازم تعيد ترتيب نفسك لازم توقف النزيف اللي محدش واخد باله منه لازم تفهم ان حدك مش الناس ولا الدنيا حدك هو انت وان البدايه الجديده ساعات بتكون وجع وساعات
بتكون هدوء وساعات بتكون قرار عمره ما اتاخد قبل كده بس في كل الاحوال هي بدايه
