دا البعد
بدرى ابوخزيم
من امتي؟
وانت بتبعد وفاكر ان البعد دا غيه
دا البعد بعد وحدود وصحارى وبلاد بعيده لا ليها شط ولامينا لاطريق ولاعلامه تهدينا
دا البعد بعد وضلمه ليل قمرها خاصم سماها
وشمس نكرت دفاها
دا البعد قلب نشفته الايام وربيعه حلف ما يجى ولا يعدى تانى زي زمان
دا البعد كبرنا بدرى والشعر شاب وخطوط الزمان علمت على جبين الغلام
دا البعد حياه ماتت من زمان وبأدينا خدنا عزاها
وحنا فاكرين انها بعصى موسي تعود تانى
موسي مات ومعاه المعجزات
واحنا بقينا من المضحكات المبكيات
عرفتوا ايه البعد
