دعوني أعرِّفُكم إلى بلدي شعر مهدي خليل البزال ديوان الملائكة أنا من مدينة عريقة ٍ منذ القِدم يُقال عنها مدينة الشّمس ، لأنها تشرق عند باب قلعتها ،وتغيب عند سردابها ، واسمها بعلبك . فكتبتُ فيها . بعلبك… يا قطعة نور وحكاية زمان نحَت الكرَم عا حجارها بُرهان . فيكِ المحبة والصّلا وكمشة حنين شايف على عواميدها تيجان . فيكِ الكرامة والشهامة كلها روحك عتيقة وقلبك الإحسان . هونيك بيتي وبيتَك وبيتو مطرح وجود الحبّ والإيمان . وجاري متل جارك لسابع جار هونيك أول ما هبط إنسان . بعلبك كفاكِ قهر وهموم السّنين كتفي عا كتفك تا نطهّر الأبدان . ونرجع سوا نعمّر بلد مهدوم ونرجع متل ما كنا قبل إخوان . جمّعت حروف الحب ورميتُن معَك بلكي شي حرف يرجّع الإنسان . ألله خلقنا من هداك النور وأمي دهنت على جسمي العطر ريحان . بسّ الوجع بعدو وجع إسم الوجع لبنان يا ريت فيّي غيّر الأزمان . وإمحي من الصّفحة الألم والّدم وأرسم على العمر لبنان . دعوني أعرِّفُكم إلى بلدي
