دنيا فانيه
بقلم/ عادل محمود
دنيا فانيه مالهاش كبير
ساعة ع الحصيرة
وساعة ع السرير
ساعة الأيد قصيرة
وساعة تعيش أمير
ساعة تفك التكشيرة
وتضحك م القلب كتير
وساعة تدور التدويرة
ويرجع الحزن يصير
مالهاش كبير
ناس كانت
وياما قامت لها قصور
دور عليها راح تلاقيها
شوية تراب
كانوا أجساد
وشوية عظام
بقوا كسور
دنيا تانية لاغني
ولا فقير
مالهاش كبير
ياللي تخونك الدنيا
اصبر عليها
واوعى يوم لا فـ ثانية
تطويك تحت رجليها
يبقي لا طلت دنيا
ولا أخره بعديها
دنيا جانيه
ع اللي يجاريها
الذنب تشوفو صغير
تلاقيه فـ الآخرة خطير
دنيا فانيه مالهاش كبير
