رسالة شهيد
بقلم / صالح منصور
قبل ما تنزل دموعك
هسالك هو دة يبقي دين
تهجم علينا فى الظلام
تضرب نار من وراء جدار
وتهرب زى اى جبان
هو دة يبقى دين
سايب له اسرائيل
ولا دول بيمولوك
وللنار بيقربوك
وعن اهلك بيبعدوك
وفى النهاية هيقتلوك
ولا بن لادن بعيد عليك
والزعامه بتنديك
ودمى هيفضل دين عليك
وجيشنا بكرة يدوس عليك
نفس يا ارهابى اسالك
هم ازاى جندوك
ومن دينك طلعوك
والسلاح مسكوك
وقتلو امك واسرو ابوك
وسبو اختك وحقروك
وفى النهاية هيقتلوك
ولا هيكفنوك ولا يدفنوك
وفى وسط خرابه هيسبوك
جيفه ورمه هيرجعوك
وبالحور العين خدعوك
وبالجنه او الدولار اشتروك
وفى النهاية هسالك
هو دة يبقى دين
انت ربك يبقى مين
استغفر الله العظيم
استغفر الله العظيم
صالح منصور
رسالة شهيد
