زجل قصيد باللهجه العاميه اللبنانيه
شو بدكن خواطر شعر نقوا
عن بيدري القمح منقى زقوا
قمحي بِحقلي بعد ما تصلب
بكواير الفكر بناتي القمح نقوا
هونيك مجنون عالعاصي تغلب
بهاك العصر ونصان حقوا
جر المي من مقلب لمقلب
أمير بلاد عقلاتوا طقوا
بعصرنا صار الشهد محلب
وورد الشعر بالمهباج دقوا
تحت شرشفي سحلب الثعلب
سرق عطري وعادفتروا دقوا
وانا مجنون مني مشقلب
مجنون حق لساني بقوا
وعندي نظر متل مخلب
وبصيرة فكر طارق بشقوا
عاضهر وبطن لا تتقلب
وبوجه وقفى شفافك يلقوا
ولا تكتب من كتاب المُعلب
وغيرك من العرق البيت يسقوا
وببيت العدل الحق يُسلب
برشاوي الأدب ضاع حقوا
الحق بحد السيف يُطلب
وحد الأبتر حقي عطاني
وبعدكن بعيونكم الحصرم عم تفقوا
……….. ………….
بقلم الأديب والشاعر يوشع علي إسماعيل
