شيلها بعنيك
كلمات/ يحيي العبادي
تستاهل تشوفها
طباعها عارفها
مكتوب تبقى ليك
عشانها عيش حياتك
غالي وحبيب
بشوق احتويها
بروحها تحتويك
اكتب كتابها
وعلي الجواب
وماتعملش ابدًا
للعالم حساب
خلاص استويت
من طول الإنتظار
وشعر راسي شاب
من بعد الشباب
مش عيب تقولها
الحب جميل
قولها كتير وعيدها
ماتكونش بخيل
لو يوم هتعرف
إن القلب دار
تفرش وتقعد
وفي قلبك تشيل
ساعات المحبة
بتكون عمر تاني
طب ليه تستخبى
ليه تكون أناني
صارح حبيبك
جواك رسمت إيه
وماتفوتوش يفكر
ومن وهمه يعاني
ابعد عن ظنونك
وقوله بحبك
افرش طريق ورود
واحضن بقلبك
ونادي وقول
ياحبيبي إنت فين
يامالك فؤادي
خدني في حضن قلبك
