صباح الخير
صحيت من بدري اتمشي
ومن عادتى انام بدرى
وعمرى فى يوم ما اتعشي
بقول فرصه اريح معدنى من الهري بلاش بالليل كمان تهرى فى عيش فاضي
كفايه عقولنا طول اليوم تهرى عالفاضي تلقى غبى وحمار ورا الشاشه عمل قاضي
فى كل مجال ناس تهرى تقول خبرا
ولو تسأل واحد منهم تلاقي
عمرة يوم ما فتح كتاب فاضي
لكن على صفحته خبير وحكيم
فى الكورة وفى التحكيم وبيشرع
كمان فى الدين ماسبش الفن ولا التعليم. سياسي خطير ومش عاجبه
اى وزير تلاقيه دكتور وهو ماشي
مسطول يادوب عقله عقل تور لكن مغرور.. بيفكرنى بالمعدة اهى بتهري
ماتفرقش بين الفينو وعيش مبلول
سوشى ماشى سمين ماشي وكل
حاجه عالماشي مع الزينه يجى الجرسون
تاكل نيفه أو كفيار ياكل البيه مادام
يسمع من الجرسون كلمه بيه بيها يفرح
يقدمله بدل النيفه لحوم جيفه وبيض صرصار متزوق يبقى فى الطبق كفيار
مادام الجحش مش حاسس بيا كل ايه
ما بين معدتك والعقل طريق سالك
بتقابل فيه نصاب بينفخ فيك
ويرسملك فى الدنيا الهري
طريق يرضيك وفى الاخر تكون هالك
ضحكت وقلت حتى فى الخيال بهري
وافكر وانا ماشي على مهلي
أنا للبيت راجع وانام عشان احلم
وانا خايف يكون الحلم كمان يهري
يا دنيا كدب وهربانه من الواقع
ياعالم فيك الجنون سلطان
الصايع بقى فنان والعالم ملهش مكان
فى زمن عايز تنجح قوم اهري
مع تحياتي
محمد محمود عبد الدايم
صباح الخير
