ضل قلبك
بدري ابوخزيم
لما تكون ..في ضل قلبك..
اسأله أحواله ايه..
مين كان يسلم..
مين كان يعاتب..
مين كان بيجرح.مين ..؟!!
مين. كان بيدّيله عنيه..؟!!
مين كان بيتمنى أنه يفرح..؟!!
ويجري يوسعله مطرح..
ولا مين كان يخبط علي بابه..يطمن عليه
.
لما تكون في ضل قلبك.
قول له هو لسه الكسر فيك..
اللي صابك بالكلام.. ..
واللي حتى بالسلام..
كانت ايديه بتبخل بالسلام.
اللي كسر..واللي فسّر..
واللي لوّن ف حكاياتك
واللي حرف ذكرياتك…
واللي راح ما سألش عنكم..
واللي سابك..لمّا عُزته..عطاك ضهره وفات
..
ولما تكون في ضل قلبك..
طبطب وسلم عليه
عارفك تعبت بس الجبر. بكره هتلقيه
لما تكون في ضل قلبك
ضل قلبك
