طفلى لااااااازم يجوع….!
بقلم / سماح نصر
كان زمان الطفل يروح لوالدته يقول لها جعان يا ماما انا عايز اكل فتحط له من اللي موجود في البيت والصح كده تقوله عنيا ياحبيبي ( بس اما ابوك يرجع )
فى حزم فى ميعاد مش سبهللة اما الاكل يخلص
* النهاردة كتير اوى من الامهات تقولك اى ساعتين بيدوخنى واجرى وراه البيت كله والشباشب تطير وصريخ مش عاوز ياكل ( الاكل مش بالعافية )
اربع حجات دايما نقولهم مش بالعافية ( العبادة – الجواز – الاكل – التعليم ) ان ماكانوش يخرجو من القلب ننسي .
عشان كده الطفل محتاج يحس بالجوع
الطفل بتاعنا اللى بيتبغدد ساعة اما اتولد اتولد طفل تانى لطيف ف نفس الوقت بس الطفل التانى موجود ف الشوارع بيدور ف الزبالة على لقمة ياكلها التانى حس بالجوع عشان كده حس بقيمة النعمة واللقمة
احنا طفلنا محتاج يحس بالجوع
عشان كده احنا دايما بنقول الطفل من عمر ٦ شهور لحد ١٧ سنة لو بنت او ١٩ سنة لو ولد له اربع وجبات ف اليوم
فى مواعيد ثابتة بين كل وجبة والتانية خمس ساعات بقدم الاكل ف الوقت دا كل ياحبيبى لا مش عاوز ( مااكلش ) نشيل الاكل كلمة واحدة مااكررهاش ناجل للوقت اللى بعده الى حددناه خمس ساعات جالى قبلها عنيا حبيبي وعليه خير لو جالى ف نفس المعاد والساعة تبقي كذا واما اشيل الاكل اوعى يبان عليا ان مدايقة بالعكس انا فرحانة لازم يوصله ان انا بقول بركة ياجامع مصلحة وفر وبعد ما اشيل الاكل اقعد العب معاه لحد ما اهد حيله وتبقى بطنه فة ضهره ويعض ف الارض من الجوع فى الوقت دا هياكل لان الجوع هو اللى بيأكل .
* الحاجة التانية بنقول للاباء والامهات
ماتستخدموش الاكل والشرب فى المكافأة والترهيب والترغيب (لو مااكلتيش مش هجيبلك هدية) .كره الاكل وانا السبب هتاكل وهى مجبرة .
* الحاجة التالتة الوجبة العائلية لمة البيت على السفرة او الصنية او الفرشة على الارض مع بعضنا اللى اختفت.
دى أمن واوثق واوفر واقوى واسرع وارخص مثقف غذائى جوه البيت لان الطفل بطبيعته رافض للنصح المباشر اما تيجى تقوليلو حاجة يقولك لااااااااء ويطول ف اللام انما استاذ ف التقليد
تلاقى البنت الصغيرة لابسة الجزمة الكعب بتاعة امها وماشية تطقطق ف البيت طول النهار و صباع الروج وشغالة تحط الولد ماسك مكنة الحلاقة ويعور نفسه انا بقيت بابا انا كبير اما يقعدو مثلا يتغدو ف الوجبة العائلية والام تعرض على الطفل عاوزاه ياكل تقوله مش قلنا ناكل سلطة يقولها بابا مااكلش منها ماهو قاعد مصور الموجودين من كل حتة دا افضل مثقف جوه البيت الوجبة العائلية محدش بيوزع نصايح
كل واحد وشه ف الطبق خلصنا الاكل شيل الاكل لكن مش مداله الاكل ممدود ساعة عشان يعرف اذا كان هيلحق ياكل مالحقش باى باى التربية تيجى كده ف الاكل عشان الواحد يشترى دماغه احنا مش بنخلف عشان نتربى احنا بنخلف عشان احنا نربى .
طفلى لااااااازم يجوع….!
