عيونك يا حبيبي

عيونك يا حبيبي
بقلمي الشاعر محمد عبد العزيز رمضان
عيونك يا حبيبي
عيون زى القمر
بحبك يا حبيبي
يا أحلى من القمر
يا غالي كتير عليا
يا كل الدنيا ليا
بهواك يا حبيبي انت
وياك يحلى السهر
وسألت دموع عنيا
ليه غاب ماسألش فيا
لو يوم كان حس بيا
كان جاني واعتذر
قاسي ولا همه حالي
ولا همه ايه جرالي
ولا هو بيا داري
قلبه زى الحجر
وخلاص هبعد واسيبه
وبقوله أنا مش نصيبه
بكرا الأيام تجيبه
والحب هينتصر
كان نفسي يكون معايا
ونكمل الحكاية
ما تكونش دي النهاية
ويجمعنا القدر
مش هقبل يوم كلامه
ولا يشغلني بملامه
ليه عذبني بخصامه
فرق بنَّا السفر
ياعيون كانت بريئة
خبِّت عني الحقيقة
طلعت قاسية وجريئة
قلبي منها انكسر