بتاريخ 17/2/2024
الشاعر المصري أحمد إبراهيم النجار
يكتب قصيدة ( فات الميعاد )
يا صبية ما تلمي الفتات
فات الميعاد
والدرب أصبح مستحيل
والسير طويل
والليل وساكن من سنين
وعجاف عجاف
والديك ما شاف
ضوء النهار
أو حتى من حبة فتات
والحب مات
صرخة مفارق فى الدروب
مافهاش حبوب
طال الجفاف
فى شمال جنوب
بتموتي بالموت البطيئ
يا صبية ليه الوهم بات ؟
ساكن عيونك من زمان
طال الخريف
على رمشك النعسان وبان
صوت الأهات
بدون صدى دمعة بكى
ومنقطه من بين رموش
على توبك المقطوع قديم
فى الليل وحوش
كِشره الوشوش
مابيرحموش صرخة وليد
والليل طويل باقي وعنيد
من ألف ألف ألف عام
ما مر عيد
شمس الشروق مالهاش لقى
طال الخريف
طال الخريف على طرحتك
من بعده ساكن الشتا
إمتى بقى
إمتى بقى
إمتى بقى
ألقاكي جيه مشرّقه
ومعاكي الفجر الجديد
طال الجفاف وسنين عجاف
مالهاش بديل
تعلب وفات وبديل طويل
داير وخاطف الفتات
دقات قلوب صرخة بأهات
ملعون يا ليل
كاحل مغطي فى الوحوش مابيتشفوش مابيرحموش
صرخة جعان محتاج بواقي
من رغيف
ألطف يا لطيف
ده الحمل زااااااااد
فوق الطاقات
وجبال جبال فوق الكتاف
والحمل أصبح مستحيل
صرخة حمام
فى غية الأحزان جعان
صارخ بصوت
محتاج بواقي من فتات
طال السكات مابقاش يفيد
والموت وسارح بالبطيئ
والموج وعالى بتسونامي
بتسونامي بين شطوط
بركان وأوشك بإنفجار
واللهي أصبح شئ أكيد
يا صبية قومي وأصرخي
مابقاش يفيد اليوم سكات
ده الوهم بات بين الضلوع
والحلم مات الحلم مات
والله ماااااات
بقلم الشاعر المصري أحمد إبراهيم النجار
فات الميعاد
