فوق ياضميرى. شعر/سكينة الصولى 
بيني وبين ضميرى حكاية
نفسه يقعد يحكى معايا
لكن كيف الحكى يكون
قول يإللى أنت عليا حنون
ألله بيحكم كل الكون
وأنت حاكمنى من جوايا
فوق ياضميرى وأصحى معايا
أنت الحاكم على إللى فى نفسي
مطرح مابتقوللى أنا بأرسي
ليه دى الوقتي تذود يأسي
والمفروض أن أنت دوايا
فوق ياضميرى وأصحى معايا
شوف الحق مابينا وبصر
خليك نبضي ياإما تقصر
قلبي منك ياما متحصر
علشان بتزود فى قسايا
فوق ياضميرى وأصحى معايا
دا أنت رقيبي أمام الله
ليه تخليني أقول الأاة
ياضمير أصحى كفاية معاناة
خلي حياتى تشوف ضحكاية
فوق ياضميرى وأصحى معايا
مفروض أنت مراقب ليا
تحكم بيني وأي قضية
ليه أصبح ف حكايتي ضحية
وتموت الأحلام جوايا
فوق ياضميرى وأصحى معايا
حاأدعى المولى لجل يعينك
ويكون الإنصاف ضيا عينك
وتنجى من الخوف مساكينك
والكل حايفرح ويايا
وضميري حايحكي لى حكاية فوق ياضميرى
