*فينك*
فينك وحشتيني
بقالي كتير ما سمعتش كلام منك
فينك طمنيني
انا قلبي في كل دقيقه بتعدي بيسالني عنك
صورتك قصاد عيني
وعيني لسه بتنزل دموع البعد عنك
صوتك بيشجيني
وبيخليني مش سامع في وسط الدوشه غير منك
فينك تعبتيني
من التفكير في وسط الليل بنام وانا فاكر اني جنبك
وبعد شويه تصحيني
ولاقيني لوحدي وكان حلمي وحلمي اني اكون جنبك
روحك وقلبك وتفاصيلك
ملامحك وضلك وتكشيرك
غيرتك وزعلك وتلاكيكك
فرحك وكلمه انا ملكك
وحشني كلك وهفضل اقول لك وحشتيني
لحد ما روحي هتقابلك واكون عايش انا جنبك
وبرده هتوحشيني
بقلمي اسلام حسن
فينك
