في الدنيا في اول رحلتها
،،،الدنيا في اول رحلتها،،،
في الدنيا في اول رحلتها
جيت الدنيا مش عارف حد ولا داري بحد
مش عارف تاكل ولا تشرب ولا عارف تلبس
في الدنيا في اول رحلتها
ربنا سخر لك ناس حواليك
امك شايلاك سهرانه معاك
في البرد في حضنها بتدفيك
وفي عز الحر تهوي عليك
لو تتعب تتعب تتخض عليك
تتعب على تعبك خفيت خفت
ما هو براحتك اصلا في رحتها
وابوك جنبك بيكون فرحان
وبعيد عنك شقيان تعبان
مستحمل ضغط كبير على ضهره علشان تكبر وتكون سنده
لا والله ده بيشرب مر الدنيا وشايلك كاس الحلو معاه
بيفكر دايما تطلع ايه ضابط دكتور ولا مهندس
تكون ريس
مش عايزك تتمرمط زيه عايزك فرحان
وتشوف الفرحه اللي ما شافهوش
علشان بكره مسيره هيكبر ويشوف بعينيك
امك وابوك خليهم دايما قدامك
نور ايامك مصباح الدنيا يضئ حواليك
برضاهم يرضى الرب علبدعوه من امك ولا ابوك
تفتح ابواب مقفوله عليك
رزق وبركه وسعاده من السماء جيالك
خدمتهم فرد ودين مكتوب عليك
بكره عيالك سدينها لك
اوعى تفضل حد عليهم الحق نفسك
قبل ما تندم ويفوتوا الدنيا وتعيش واحدك
وتقول لامك راحت الجنه معاكي
وتقول لي لابوك فينك يابا والله ما شفتش يوم بعدك
ده ما فيش ابدا يوم من ايامك