قصه قصيرة
سمسم بيقدم جوايز
في اجتماع عاصف دعي اليه رجل الاعمال سامي بصبوص صاحب شركات سمسم للبسكوت و الشيبسي لمناقشه الخطه الجديده للتسويق و التوزبع بعد التوسعات التي حدثت في شركته من شراء معدات حديثه و ماكينات متطوره.
كان جناحي الاجتماع المدير المالي ابوجوده و مدير النسويق ابو داود
بدا سامي بيه كلمته موضحاً ان الاستثمارات التي تم دفعها لتطوير الشركه تخطت الملايين من الجنيهات منها نسبه مموله كقروض من البنوك ذات فوائد عاليه ويحب وضع خطه للتسويق و التوزيع و الدعايه حتي بستطيع سداد قيمه القروض في اسرع وقت ممكن خاصه ان هناك الكثير من الشركات المنافسة تقاتل من اجل توزبع نفس المنتح
استمع ابوجوده باهتمام حديث سامي بيه وبعد ان فرغ سامي من الحديث بدا ابوجَوده موضحا ان طرق التوزيع التقليديه
لم تعد مجديه خاصه ان الاعلانات في وسائل الاعلام اصبحت مكلفه
اعقبه ابوداود ان الحل ليس في اختيار نجم سينمائي او لاعب كره لدعم منتجات الشركه
خاصه ان النجوم ستطلب مبالغ ماليه ضخمه في ظل عدم سيوله الان وربما لا تنجح الحملات في زيادة نسب التوزيع المأموله
ابو جوده :حتي جوده المنتج لن تشفع في تسويقه بالدرجه الكافيه
ابو داود: البدايه ان نستغل طمع البشر كطبيعه انسانيه في الاقبال علي المنتج باقل التكاليف خاصه ان الانسان بطبعه يرغب في الربح السريع و باقل مجهود
سامي بيه :ازاي يعني هنطمع الناس في البسكوت؟ هنوزع معاه شاي مثلا
ابوداود :الموصَوع اننا نعمل مسابقه تخلي. كل الناس تطمع في جوائزها. نخلي الكل يحلم و نحسس الجميع ان الكل ممكن يكسب
ابو جوده :فهمتك يعني نخلي الناس تشتري المنتج حتي لو مش محتاجه طمعا في الحايزه.
سامي بيه:صح بس ازاي؟
ابوداود: يعني مثلا نعمل مسابقه نقول فيها ان اللي يشتري ١٠ علب بسكوت و يبعت العلب الفارغه يكسب عربيه موديل السنه
ابو جوده: او نضع صور لحيوانات الغابه و اللي يكمل حيوانات الغابه يبعت الالبوم
و يتم السحب و اللي يكسب يحصل علي فيلا في احد المناطق الراقيه
سامي :بس دي جوايز غاليه قوي يعني شوف كام واحد هيبعت ممكن ميبقاش كتير و االي هيكسب هيأخد جابزه بالملايين
انا كده هاخسر.
ابو داود: بالنسبه لفكره ان الزبون يبعت عبوات هتبقي سهله لاننا في الاخر هنعمل سحب و هيكسب واحد من طرفنا نسلمه العربيه قدام الناس وبعد كده نرجع العربية المعرض ََ ونراضيه بالف جنيه
سامي: وانت ايه رايك يا ابو جوده؟
ابوجوده الموضوع الثاني اسهل لاننا هنبيع الاليوم و ده دخل اضافي
وهنزل كل صور الحيوانات داخل العلب
بس فيه حيوان واحد مش هنطبع صوزته من الاساس
ابو داود :طبعا الحيوان معروف
سامي بيه :بالضبط كده
وضحك الجمبع بصوت واحد وعلت القهقه حتي سمعتها السكرتيره
اسفر الاجتماع عن الموافقه علي عمل مسابقه سمسم في الغابه
وطلع الالبوم و بيعه بمبلغ ١٠ جنبهات
مع طبع صور الحيوانات ماعدا حيوان واحد
و بدا الاعلان في وسائل الإعلام عن مسابقه
سمسم في الغابه ومع وعد بجوائز مجزيه
الجائزه الاولي سياره موديل السنه
و الجائزه الثانيه شقه تطل علي النيل
اختفت الطبعه الاولي من الالبوم في سويعات قليله و تبعتها عده طبعات و اصبح الالبوم يباع بالسوق السوداء بمبالغ كبيره وصلت الي ٥٠ جنيه
الكل يامل في المكسب وبدات حركه التوزيع تتزايد و المحلات وتجار الجمله يتزاحمون علي منافذ بيع الشركه
وأصبحت مسابقه سمسم حديث المجتمع
الكل يتصارع في شراء العبوات و البحث عن الحيوانات و اصبح الجميع يبادل الدب الواحد ب ٣ جمل و الاسد ب ٥ نمر
وهكذا انشغل الجميع بعمليات البحث و التبادل و المصنع يعمل بجميع طاقته ٣ ورديات ورغم سؤ الانتاج و الجوده نتيجه الطلبات المتلاحقه من السوق الا ان الطلبات تتزايد.
مرت عده اشهر و ادرك الجميع ان هناك حيوان واحد لا تطبع صورته و لا يحصل عليه احد و هو الحمار.
احس الجميع انهم تعرضوا لعمليه نصب من شركه سمسم و بدات عمليات الشراء في التراجع مع هجوم كبير من كل وسائل الاعلام تهاجم الشركه و تتسأل عن موعد المسابقه و لماذا لا تتوافر صوره الحمار.
حينها اجتمع سامي بيه مع ابوجوده و ابو داود و اجمع الكل علي ضروره عمل المسابقه في اقرب وقت و بطريقه متقنه و مذاعه علي القنوات و بدعوه رجال الاعلام
و الصحافه.
و لكن ستكون المسابقه محسومه فمن سيربح السياره خالد ابن اخت ابوجوده
و من سيربح الشقه يوسف ابن خاله ابو داود
مع ترضيه الفائزين بمبلغ الف جنيه للفائز
لقيامه بالدور المطلوب منه
تم تجهيز ورق السحب علي الجوائز بطريقه العسكري رجب في فيلم اسماعيل ياسين في البحريه نصف الورق باسم خالد و النصف الاخر باسم يوسف
تم تحديد موعد المسابقه و دعوه الجميع لعمليه السحب و ان الذي سيقوم بالسحب طفل صغير ضمانا للشفافيه و في حضور جميع وسائل الاعلام و تسجيل الحفل و اذاعته باعلانات مدفوعه لجميع القنوات الفضائيه
تم الاعلان عن حصول خالد و يوسف علي الجوائز و عمل مقابلات حصريه معهم وسط تهليل وسائل الاعلام
اجتمع سامي و ابو داود و ابو جوده سويا بعد يوم مرهق من العمل لتجهيز مسابقه جديده علي نمط المسابقه الاولي
خاصه ان الجميع اصبح يتلهف و ينتظر تلك المسابقه بعد ان اثبتت الشركه مصداقيتها في هذا المجال.
انهي ابوداود الاجتماع قائلا فعلا الثروه فكره
اما ابو جوده فعلا اختيارنا اننا نخفي صوره الحمار دي فكره عبقريه. لاننا خلينا كل واحد اشترك في المسابقه دي يدور علي نفسه
سامي بيه :كل واحد يختار فائز ثقه من معارفه او اصدقائه
و الجايزه المره دي يخت بحري
ومعادنا الاسبوع الجاي نفكر هي ايه المسابقه عشان نعلن عنها
يلا مكافاه لكل واحد فيكم ٢٠ الف جنيه
تمتم ابوداود و ابَو جوده بالشكر لسامي بيه
وهما بالانصراف وهما يفكران في موضوع المسابقه القادم
تمت قصه قصيرة سمسم بيقدم جوايز
م محمود عبد الفضيل /مصر
