قصيدة بعنوان {العمر عدي}
بقلم الشاعر رامي زيدان.
العمر عدي والشعر بقا ماس.
والناس مبقتش هي الناس.
الحقد والكراهية ماليه نفوسنا.
والكذب والتزييف قسمنا .
أسلوب حياة إن ابيعك عشان أفوز.
والأخ يخون أخوه عشان شوية فلوس.
الظلم بقا معادلة والفلوس بقت معاملة.
والبايع والشاري على اقرب ضحية.
اتفرقنا .. اتفرقنا وسهم الغدر صبنا.
وضعنا وضاعت احلامنا.
وزي الديابة بناكل لحم الغلابة .
سرقانه الدنيا وبيعين ضمايرنا.
كتبين على نفسنا لندمر أصولنا.
بنحارب بعض في كل أفعالنا.
بندوس علي اللي لينا في طريقنا.
حرام علينا نتفق في أفكارنا.
بنقتل جوانا الخير ونطلع شرورنا .
أحبطنا الصبر والصبر حالف ماينصفنا.
والموت علينا حق . لكن احنا موتنا.
قبل الموت مايجي يزورنا .
مشيين في سكتنا علي أعصابنا.
كأن نصيبنا فتنا وما لحقنا.
مفيش حاجه بإختيارنا وده قدرنا.
والجرح لوطاب . كان القلب تاب.
والكفن مالوش جيوب .
والعمر راح وفاضل شوية ذنوب .
قصيدة بعنوان {العمر عدي}
