أنا مش بكاش
بقلم مصطفى سبته
علشان أنا إنسان أنا إحساس
أنا عمرى ما هكون بكاش
أنا واحد عايش بين الناس
بحزن وافرح وصوتى ميعلاش
أنا عمرى ماكنت شئ مجهول
ولاهسمح لحد يقول انابكاش
أنا حرف جميل داخل كلمه
فيها معاني مش قطعة قماش
سيبك من قولنا وقالوا إن أنا
عايش في الدنياوسيبها طناش
أنا طائر حر في جميع حركاته
أنا أجمل من صوت الوشاش
أنا شجرة في صحراء جرداء
وفي ضلى يتجمعو للنقاش
أنا فصل من فصول السنة
ساعات بكون الربيع ببلاش
ولحظات بكون الخريف إذا
اتأخر الشتاء أو مجاش
أنا ليله من ليالي الصيف
أنا قطر فاخر ومش قشاقش
الشمس لوغابت عن الوجود
أناعنى الكون أبدا ميستغناش
أنا الشمعه المضيئه بنظام
إللى منها شعاع الليل فراش
أصبح شعاعي يضاهي البدر
ومن حبي ليكي قلبي طناش
أنا لحظة الفجر أنا نسمة ربيع
أنا قلب عاشق انكوى ببلاش
أنا دمعه سالت على الخدود
أناطيرجريح بيتألم مايتوصاش
أنا القلب الحزين وروح تايه
وفي حانات السكارى ميعرفهاش
العمر منى ذهب والشيب كسانى
وأصبحت عن عكازى مشتعناش
