* تعالى نتحاسب*
تعالى نتحاسب
وحاسبني….
واعاتبك
وتعاتبني…..
بلاش تخلي مابينا سور وحد….
واللي ما بينا في لحظه يتهد
وفي بحر حيره تسيبني….
تعالي نتحاسب
وحاسبني….
واعاتبك وتعاتبني…
ونشوف انا اديتك ايه
وانت اخدت بداله ايه
ونشوف مين الغلطان….
ومين اللي في الاخر
هيطلع خسران….
بلاش تخلي كلمة تجيبك
وكلمة تجيبني …
تعالي نتحاسب
وحاسبني…
مش هوه ده اللي اتعاهدنا عليه من البدايه….
والحب اللي ما بينا
بايدينا نكتبله النهايه….
ليه ياحبيبي تعذب في روحك وتعزبني…..
تعالي نتحاسب وحاسبني …
واعاتبك وتعاتبني….
احمد ماهر ابو نورا
شاعر الصعيد
