كلمات أمي
…………..
كانت دايماً
تقوللي
مهما كبرت
هتفضل في
نظري نونو
دي علمتني
حاجات كتيره
مش بالدراسه
حاجات محسوسه
بالوراثة
واللي ماقلتهوش
ليا
كان تاعبني
ماهي ليها رب
وعن رضاها
هيحاسبني
وربي حسابه
مش شويه
وهي كانت
عامله حساب
للحظه ديا
كنت عايش
مش مِراعي
حساب شئ
حوليا
بس هي كانت
واخده بالها
مني
ومن السنين
اللي جايه
كنت طفل
ساندنفسي
ع اللي عمرها
مامالت عليا
من لاشيء خلتني
إنسان يتوثق فيا
بس الزمن خلاني
قاسي
والقساوه مَلت قلبي
وغَمت عينيا
وهي صدرها كان
مخده
وقلبها طَرح موده
وقلبي كان كله
قسيه
ولما كنت بزعلها
وتأنبني
كنت أشوح ف وشها
فهمت حنيتها ضعف
ياامه أنا الحاجات دي
كِبرت
ومن خوفك عليا
زهقت
وصِبرت عليا كتير
وياما شالت همي
وكانت تقولي
هتفضل في نظري
عيل
وكنت أقول لنفسي
هصحي الصبح أصالحها
وأطيب خاطرها
وعليا هترضي
كانت تقولي يابني
عوزاك سند
بعد أبوك تبقي
للبيت وتد
وأمي كانت سفينه
وتبص ليا وضحكتها
حزينه
كانت قبل النوم ترفع
إيديها للسما وتدعي
مش عشانها
كان عشاني
إن ربنا يتوب عليا
وينصلح حالي
وإبتديت من غفلتي
أصحي
والسنين ع الوش
واضحه
ياللي مش عارف
قيمتها
خلي بالك م الوهم
إصحي
قبل مايجي الموت
ياخدها
وساعتها هاتعرف
قيمتها
كان نفسي تفضل
معايا
كنت نفسي أفضل
أسمع كلامها
ونصايحها
وهي كانت عارفه
إنها ف يوم هتمشي
وهايجي اليوم
وهاسبها
وبإيدي ف التراب
هدفنها
……………….
جلال محمد
2023/7/31
كلمات أمي
