كنا عيله

كنا عيله

بقلم

خيرى ناصف

كُنا عيله وكان لامِمْنا

                                 سقف داااار

يوم وليله لمًَه خادها

                                 غراب وطار

والبيوت صَبحت حزينه

                     بعد ما صار اللى صار

والقلوب ما بقالها حيله

                    غيرتدوق حُرقه ومرار

يا ليالى رجعينا

                      للى كانوا زمان كُتار

السما كات صافيه لينا

                           والليالى قمر نهار

والسهر كان أحلى بينا

                        لما كنا عيال صُغار

الفرح ولا يوم نسينا

                  وِوَيَّا بعض وهات هزار

فى الأحزان شابكين إيدينا

                     والبُكا على بعض نار

والأمان شوفناه بعينينا

                      ساكن كل بيت ودار

وصل النت هجم علينا

                كأنه هجوم جيوش تتار

وبسبايبه احنا اتأذينا

                     لما فات فَرَض حِصار

خد عقولنا واتعمينا

                        والحياه بقت دمار

كل واحد نابُه فينا

                      بُعد عيلته وكل جار

والبيوت فِضْيِت علينا

                   واحنا جُوه البيت كُتار

بالسُكوت احنا اكتفينا

                    كأنه صابنا ميت عيار

والخَرس بقى طبع فينا

                        وانتهى بينا الحوار

والتجمع راح جافينا

                      والمشاعر فى انهيار

بالمشاكل كلها احنا إتبلينا

                           والهدوء بلغ فرار

كُنا عيله وأحلى لمَّه

          رُوحنا ف داهيه و حاجه عار

قومى يا امه ولَملِمينا

       ولأحضانك رجعينا بشيخ و زار