نص .احنا برضو بتوع زمان
بقلم الاديب عاصم بكر علي منصور
ليه بقينا ناسين بعض وليه ما بينا ضاع السلام
طب ليه الخير قل وراح مع الزمن وتاه بينا الكلام
فين ناس الطيبه زمان ايام مكان بينا حب ووئام
الجار يسال جاره انت محتاج حاجه وكله يبقي تمام
الاخ يسأل اخوه بالخير عايشين وليه بينا لسه خصام**
**************
احنا برضو بتوع زمان
أهل البلد يروحو لبعض بالود والكل يبات الليل شبعان النهارده الخير قل وضاع الحب بينا كله بقي في خبر كان نسينا طعم الامان الفرحه اللي كانت تعم الأهل والجيران والحزن بنتقاسم بين أهل البلد دمعه تصرخ في كل مكان
ليه بقينا عايشين مع بعض والاسم بقايا انسان **
*************
احنا برضو بتوع زمان
راح فين الخير اللي كان فينا مبقناش نسأل علي بعضينا
ولما تيجي تسأل عن حد يقول كفايه اللي فينا مكفينا
كانت القعده جنب الراكيه في الغيط في البرد لمتها تدفينا
والساقيه بتلف وبالخير تروي ظمأ عطش أراضينا
شجر التوت ساعة الظهيره أوراقها من لهيب الشمس تحمينا
طب العيب بقا فينا ولا قلوب الناس اتغيرت من حوالينا**
***************
احنا برضو بتوع زمان
خلاص مبقاش حد فاضي لحد والكل يهرب وقت الجد
الاصول ضاعت و بينا الف سور و حاطين ألف سد وسد
عيش بالطيب وخلي حاجز الخوف اللي بينا يتهد
ياريت نكون مسلمين بالاسم نرجع لربنا من تاني بجد
راح فين الخير اللي كان بينا وضاع بين ضمائر الناس الود
الناس مات من جواها الاخلاص وضاع الاحساس
الكل بقي في الكلام ؟هلاس و نسينا كلام نبينا خير الناس
((لايزال الخير في وفي أمتي حتي تقوم الساعه))
***************
قصيدة احنا برضو بتوع زمان
بقلم الاديب / عاصم بكر علي منصور..
