نفحات الجمعة
كتب/سعيد ابراهيم السعيد
امس بنت في مدرسه مشتركه مسكوها بتكلم ولد والاخصائين عرفوا والمدرسين ضربوها وهددوها لما هتروح هتلاقي اهلها عارفين وهيعاقبوها البنت قبل ما تروح اشترت سم وشربته وماتت البنت في ٣ اعدادي ممكن متكنش مدركه يعني ايه انتحار للأسف !!
النبى صل الله عليه وسلم والصحابة: كانوا فى غزوة وكان هذا اليوم شديد البروده !!
واحد من الصحابة كان عنده جرح فى رأسه .. وحان وقت الصلاة ..وهو كان على جنابة ولازم يغتسل ..فقالهم انه عنده جرح وخايف لو اغتسل يحصل حاجة …قالوله لا نرى لك الا الاغتسال ..فــ اغتسل فمات 😞 النبى (صل الله عليه وسلم) لما عرف غضب وقال ..قتلوه قتلهم الله
من يومين قريت بوست ..عن دكتور كان السبب فى ان واحدة كانت محرومة من الاطفال لمدة 11 سنة ولما ربنا رزقها !!
قبل الولادة حصل مضاعفات والطفل مات فى بطنها
اخت البنت قالت للدكتور متقولهاش ان الطفل مات عشان ممكن يحصلها حاجة الدكتور اصر ودخل قالها وكانت النتيجة انها ماتت
احنا اكتر مجتمع جاهل بكل معانى الانسانية والرحمة …اكتر مجتمع عاوز اعادة تأهيل فى كل حاجه ..
ربنا قال “وقولوا للناس حُسنا ”
النبى اللى مرضاش يقطع على الاعرابى اللى كان بيبول فى المسجد بوله عشان ميحصلوش مشكلة وقال لا تذرموه ودعوه حتى يفرغ ….احنا محتاجين تربية من اول وجديد !! مش الاطفال اللى عاوزة تتربى!!
للاسف الكبار هما اللى عاوزين !يتربوا
واحد دخل المسجد موبايله رن راحو مزعقينله مدخلش المسجد تاني.
واحد كان معدي على قهوة خبط التربيزة الكوبيات وقعت اتكسرت ١٠٠ حتة فصاحب القهوة قاله فداك يا باشا فـ بقى زبون القهوة
واحد عنده غضروف في رجله فطبيعي انه بيصلي على كرسي لما يصلي فـ المسجد.. الناس انتقدته اكتر من مرة و قالوا انت شاب ازاي تصلي على كرسي و زعقوله.. من ساعتها مبيدخلش المسجد و بيصلي فالبيت و هو قاعد.
سيدنا عمر شاف ناس مولعين نار فنادى فيهم ( يا اهل الضوء ) و مقالش يا اهل النار خوفاً من ان الكلمة تجرحهم.
الحسن و الحُسين رضي الله عنهما شافوا راجل كبير بيتوضى غلط .. فكروا ازاي ينصحوه فقالوا نُريدك ان تحكم بيننا من الذي لا يُحسن الوضوء و بدأوا يتوضوا و لما شافهم الراجل ضحك و قال انا والله الذي لا اُحسن الوضوء.
النبي صل الله عليه و سلم قال حُرم على النار كل هِين لين سهل قريب من الناس
الحقيقة احنا عايزين اعادة تأهيل في طريقة النصيحة إلا من رحِم ربي… انصح بالطريقة اللي تخلي اللي قدامك يقتنع من غير ما تحرجوا.. ياما ناس عملت الغلط عند في الناس الي نصحتها عشان اسلوبهم كان مُستفز.. و ياما ناس عملت الصح عشان الي بينصحهم ابتسم و هو بيتكلم.
رب كلمة رماها اللسان اهلكت حياة انسان !
(وادعوا إلى سبيل ربك بالحكمة والموعظة الحسنة )
