نقطه من اول السطر
استرها علينا يارب
بقلم د /حماد مسلم
مفيش حد تسأله عايز ايه مفيش غير اجابة واحده انه يعيش مستور ويلاقي قوت يومه ويعرف و ويجد مسكن يستره من حار الصيف ومن برد الشتا ويلاقي شغلانه حقيقية يعني بالبلدي كده حياه بجد ..الغلابة بتحترق من فواتير الكهرباء ..
عزيزي القارئ ايه الحكاية ياحكومه فواتير كهربا زفت الزفت هي الناس هتشتغل علشان تسدد فواتير كهربا وبعدين شغلانة الشرائح اللي كاوية الناس بكل امانه هناك ايادي خفية لخلق بلبله ولا شركة الكهربا عايزه تحصل مكافئات من دم الغلابة ومش فارقه معاهم ..ياحكومة المواطن البسيط عايز نظره الناس مش عارفه تسرق من كتر اللي اتسرق من البلد وصفوة المجتمع اللي نهبوا ثروات الوطن الناس باعت الحديده والصفوة باعوا الاوطان الناس بتموت ياحكومه ..المواطن اصبح يستقبل فاتورة الكهرباء وكأنه ينتظر ملك الموت انا بصراحة بشوف محصل الكهرباء او الغاز وانا قلبي مقبوض والميه حكاية تانيه خالص …
عزيزي المواطن اسأل نواب ديرتك مش هتلاقي عنده اجابة ليه علشان دوائرنا بلا نواب نوابنا باعوا المواطن من اجل مصالحهم الشيخصيه وقبضوا التمن وحكاية المواطن وصوته البركة في التعيين نسيت اقولكم والبركه في الكرتونه
…….الخلاصة
القضاء علي الوطاويط المعششة في مصالحنا حان وقت الخلاص منهم الناس بتضرب اخماس في اسداس
……فيتووووو
اذا كان نوابنا بلا انياب فاليرحلوا جميعا غير مؤسوف عليهم واكسر وراهم زير
