نقطه من اول السطر
………….الاختيار الصعب………..
بقلم د/حماد مسلم
في بعض الاحيان نختار الطريق الصعب لنعبر بتلك الاختيار لبر الامان ومااكثر من يختارون الاختيارات الصعبة الذين يقدمون العلاج ليس المسكنات ففي بتر عضو في جسم الانسان مثلا بتر الساق من الاختيارات الصعبة ولكنها في الوقت نفسة علاج وانقاذ لباقي اعضاء الجسم فبتر الساق صعب ولكن الاصعب ان تترك الساق للغرغارينة المرض الذي يهلك مايصيبة ويؤدي لهلاك الروح وبتر العضو المعرض للمرض بتره ينقذ باقي الجسم نعم ..
عزيزي القاريء الان نختار الاختيار الصعب فمحاربة الفساد والمفسدين هو الاختيار الصعب بالفعل لتغلغل الفساد والمفسدين في كل المؤسسات نعم اعي مااقوله هناك مفسدين يسهلون للفساد كل الطرق والمواطن البسيط دايما هو ضحية الفساد فبتر الفساد من مجتمعنا ياساده بمثابة بداية الاصلاح فالمفسدين للاسف الشديد قوة لابد ان نعترف ان لها بالفعل اذرع الفساد في كل مؤسسات الدولة وخاصة المؤسسات المباشرة بتعاملها مع الجمهور يوميا يظهر الفساد من خلال الروتين المميت القاتل المسمم ياسيدي متزعلش فساد تلاجة من الجرائم الذي من شأنها تجعل المواطن يسب اليوم اللي اتولد فيه في التعليم والصحة والمرور الشهر العقاري الاحياء وسائل النقل وياسلام ياسيدي لو حبيت تروح مشوار بالاتوبيس انصحك ماتروحش احسن ليجيلك ضغط وشوية سكر او ممكن تصاب باحباط او اكتئاب ترمي نفسك تحت اي عجلة اتوبيس او عربية وتنتحر ياساده الفساد والمفسدين محاربتهم الاختيار الصعب ولكن لابد منه لاننا نؤمن بالفعل بداية الاصلاح القضاء علي الفساد والمحسوبية والوساطه ومتعرفش انا مين فحادثة سيدة المحكمة للاسف الشديد صدرت للمجتمع ان البلد بلد للصفوة اما المواطن البسيط مجرد عبد نعم نؤمن ان اختيار محاربة الفساد من اشد الحروب الا اننا نؤكد مها طال الليل لابد من طلوع الفجر ومها تفشي الظلم لابد من انتصار الحق ولاننا ايضا نؤمن ان مصر تلفظ كل فاسد نؤمن ان مصر بتتغير وبتنضف من الفاسدين المفسدين علي اي حال كل الشكر للمخلصين لاوطانهم في كل المجلات فاليوم ياساده هو حرب المخلصين علي الفسده المفسدين ….الانسان منا بكل صراحة يريد ان يري كل مؤسستنا خالية من الفساد وخلع المفسدين من مناصبهم وعلي فكره المفسدين معششين في كل الوظائف حتي وصل الامر الي ان هناك مؤسسات اصبحت مؤسسة عائلية لايمكن لاحد ان يخترقها ومن تلك النماذج قول كده العدد في الليمون وتساقطهم بدا يظهر لنا ان هناك بالفعل حملات من التطهير في كل مؤسسات الدوله فالتطهير اذا كان قد جاء متأخر شوية فاننا نطالب بسرعة تطهير كل مؤسسات الدوله من المفسدين ومحاسبة الفاسد وكلنا امل في استرداد ماتم نهبة او تم اغتصابة بطريقة غير شرعية اتحدث عن الاراضي المنهوبة بملاليم وتم بيعها بملايين ياساده بلدنا غنيه جدا ولكن للاسف اللصوص نهبوا ثرواتها وتركوا الغلابة يصارعون الفقر وحدهم ..علي هامش قانون التصالح واحده واحده علي المواطن ياحكومة المواطن يحتاج مساعده مش محتاج تخفيض بس والله الناس بتكح تراب وناس في النعيم بتتمرمغ فيه ومش فارقه معاهم كلها من مليارات الشعب ايوه صحيح بالفعل اصلوه ياسيدي مش بيسدد الضريبة اللي عليه التي تقدر بالمليارات واللي يتجوز في كل جوازه ملايين الجنيهات وهناك ناس مش لاقيه لقمة عيش حاف المواطن عندما يشعر بالامان عندما يجد كل هؤلاء في قفص الاتهام المواطن عايز يشعر انهم فعلا بيدفعوا الضرائب مش متهربين وبفلوس الشعب بيتنعموا علي اي حال محاربة الفساد الاختيار الصعب
……الخلاصة
انتشار الفساد والمفسدين يخرجون اللسان للشرفاء
….فيتووووووو
الكارت الاحمر لمين
