هبة النيل
شعر/سكينة الصولى
ياكنانة فى أرض المولى
يابلدي ياأجدع دولة
هما بدونك ولا حولا
ياقمر يضوى سموات
قالوا عنك هبة النيل
ياأصل لكل أصيل
قالوا إسمك فى المواويل
ياتاريخ مالى الحكايات٠
إنتى الأصالة والمعنى
وعيون قلبك تجمعنا
فى حنانك ننسى وجعنا
تلقينا فى الندا جماعات ٠
يامصر ياأحلى عروسة
أرضك علطول محروسة٠
من المولي انتي محفوظه
يا ملجاء لكل عروبه
من غيرك تسيع ملايين
يامصر ياهبة النيل٠
بلد العلماء والشعرا
وولادك أفذاذ مهرا
سابقين الجاه والشهرة
ويتحدى كل المجالات
عندهم خبره وقدره
تتعداء كل التحديات
ياعظيمه باهلك وناسك
فائقة كل الخبرات
يا مصر دا انتي الأساس
هبة النيل
