هدير احمد عبد الغفار تكتب عن يا اما يا روحي
تكتب /هدير احمد عبد الغفار
يا اما يا روحي يا دنيتي
يا كل اللي ليا
انت حبيبتي أنا بعشقك
يا غاليه عليا
أيوة انت عمري مصدقك
يا نور عنيا
قمري ودوايا وسكتي
يا أجمل هديه
من روحي نفسي أوهبك
روحي البقيه
وتعيشي يا اما وتفرحي
يا حبيبتي بيا
وسهرتي يا اما تهنني
تاخدي بإيديا
دمك دا دمى ودمعتك
بتهد فيا
يا اما يا روحي يا دنيتي
يا نور حياتي
لو يوم بعدتي هتنتهي
كل حكاياتي
وهعيش لوحدي بغربتي
تكتر آهاتي
طب مين هيمسح دمعتي
غيرك ليلاتي
أو مين هيسمع شكوتي
لحظة سكاتي
بستان حياتي يا زهرتي
وأجمل ساعاتي
همسح دموعك
أنا عمري تاني ما أزعلك
وهقيد شموعك
ولا عمري هنسى فرحتي
لحظة رجوعك
ولا هنسى يا اما دمعتي
لحظة وقوعك
يادنيتي
انت الحقيقه
انت الهنا وانت الدفا
يا عيون بريئه
ما اقدرش ابعد يا حياتي
ولو دقيقه
ضميني يا اما وارسمي
النسمة الرقيقه
يا حبيبتي يا اما يا جنتي
في بحور غريقه هدير احمد عبد الغفار
