وعيد الفطر
بقلمي محمد عنانى
وبعد صيام أيام رمضان
تلاتين يوم بركات وأمان
بكل الخير وقتنا عمران
بالتسابيح وصلاه وقرآن
وذكر المولى بكل لسان
ودعاه بستر لنا وجبران
مابين رحمه وبين غفران
وما بين عتق من النيران
وأجمل نفحه من الرحمن
ليله تساوي عمر الإنسان
يجي ختامه وكُون فرحان
بمنحه عظيمه من المنان
وعيد الفطر فى كل مكان
وعلى وشوشنا بهجه تبان
وقلوب كل مدادها إيمان
ونفوس فيها الرضا ألوان
فيها موده وصال وحنان
إيد مع إيد ومفيش زعلان
برضا المولى وعيدنا كمان
