بلاش تحتار
ياقلبي بلاش تحتار
الحب كله مرار
وليله بيبقى نهار
وكباره ياقلبي صغار
والجنة فيه يومين
والعمر بقيته نار
عارف ياقلبي عارف
لولا الحب في قلوبنا
كنا ياقلبي جماد
وماعرفنا كلمة توبنا
وبنعمة النسيان
الدنيا بتبقى عمار
عارف إنك حزين
من غدر العيون
لكن طبع الحنين
واحة جواها مسجون
سكانها من العشاق
أبدا ما فيها أسوار
ونصيب ياقلبي نصيب
يغدر بينا الحبيب
والعمر منا يضيع
مابين طبيب وطبيب
وأدي شمشون ودليلة
بالحب ياقلبي في ليلة
بعديها ماصار جبار
ياقلبي بلاش تحتار
كلمات محمود صلاح
